من هم الاجواد

حتى أيام الجهل قبل اسلامهم
لجواد نصرت المظلوم على الظلام
لجواد تبتسم ليام ببتسامهم
أن زعلو امعاهم يزعلن ليام
لجواد تنبسط وين ماتجي لوهامهم
لجواد كل ماتقرب ايحيد غمامهم
وكان جيتم اوكليت طعامهم
ايحيد ابسال الريق مية عام
وان ظافوك يبقا رزقهم قدامهم
عليك تنفرج وان جيتم تكرام
لجواد ايعطوك جميع محصول عامهم
لجواد طبعهم ديما اشداد عزام
لجواد فعل مايمشي هفيك كلامهم
ان قالو امعاك كلام هو الكلام
اومن كلام الحق صنعن اختامهم
الا الزور مايحطو عليه اختام
اوبارك الله فيهم اوبارك انعامهم
ان جاورتهم لجواد ماتنظام
لك قرعتك في السعي يوم افطامهم
غايب سواء حاضر نهار اوسام
وان كان طلت تقرن رمتك في ارمامهم
خوال للضنا مبرك عليك اقسام
وارحامك اقدت اتشنهن بارحامهم
الله يكتبك عندا وصيل ارحام
اولجواد بركة فوقهم اوتحت اقدامهم
لجواد نور لاحلق عليه ضلام
الحيين واللي بايدات اعظامهم
عطاك ربنا طرفه ان جوك منام
عطاهم كرامة ربهم وايمامهم
ان كان ريتم يرجع عليك العام