ارياف علي موقع الاجواد*عليا زاد*انريدوه امعاكم ميعاد

السلام عليكم وكيف حالكم شنو دايرين في غيابي
نهديكم هذه القصيدا الى جميع اعضاء منتدى (SLOMA) من كلمات الشاعر (الجالي غريب)
***********************************
****ليش مني ازعلت**لاذنب درت ولا العذر اقبلت****
*****ازعلت عايشه*****
***********
ازعلت عايشه **اليوم يا (اسلوما) قيسها تحريشه
تخطم علي اليوم في تكويشه
زعيم حرب ونا في ارضاه اوحلت
كراديس تستعرض كتايب جيشه ** عدن ثلاث ايام بيش اكملت
من يوم ما ازعلت ونا في عيشه ** انغيب عن وعيي انطيح فصلت
ووقت المحاضره اتصيرلي تغشيشه ** لاعلم نفهن لا استاد فهمت
اليوم حالتي يا بو رفيق وحيشه ** في الصدر غصه لارقت لاانزلت
مدمن علي عايشه ادمان حشيشه ** ان ماريتها يبقن اعصابي فلت
ويضل عقلي يزيد قاوي طيشه ** مريض بالغلا ياصاحبي لو سلت
ويطير قلبي في الهوا كي الريشه ** كي نكذب عليه انقول آهي اوصلت
جديد الغلا معروف في تعشيشه ** ايشيلك ايجيبك ويقتلك بالثلث
وصوب الغلا كي تركبا الوشيشه **ايضيع فيه ما تتعب وما خبلت
وتبرم علي الاوهام من تطقيشه ** ياس الغلا خلاك شين احولت
*************
يا مرسال ** عدي لعيشه اللي اتقول غزال
امعاك عذري وقولتي مازال
باب الخطا مقفول كان اجفلت
من يوم زعلتها وشينك حال ** انوض بالغطا لو العين اغفلت
وتنوض بدري اتحوس في الاطلال ** لاطلت عايشه ولارضاها طلت
امغيرليش قولولي جفاها طال ** لاعاد مالت لا عليها ملت
ملكة جمال الجامعه بدلال ** وتاج المحبه لابسه واعدلت
ومرسم حاجبها اتقول اهلال ** ونور وجها كيف القمر لو قلت
واهدوب عايشه بين الهدوب اطوال ** واعيون عايشه بين العيون اقتلت
وابسام عايشه والله حلال حلال ** الميته عليهن موت ماحولت
وفي الطول عايشه امعدله معدال ** احزام المريره وسطها شملت
ولو ريت مشيتها اتزيد اهبال ** وتاخذ العقل اتشيل كان امهلت
ولو ريت وقفتها جميل خيال ** اميرة حواري عدن لي افضلت
واوصاف عايشه واجده موحال ** انغني عليهن عام ما كملت
اتعيش عايشه للاجيال اجيال ** رمز المحبه الغاليه دللت
المفروض لعايشه يصنعوا تمثال ** فوق السرايا تنظرا لو جلت
***************
انريد ارضاها ** وانريد قعدتي في الجامعه يالاها
ولوطرابلس تجمع جميع انساها **موش كيف عايشه كلهن قابلت
عايشه فريده في النسا تلقاها ** ان شفتها تلقى العيون اذهلت
ويزوغ البصر مالنور في دنواها ** ايرجن اركان العقل كان اجفلت
وكان سلمت باليد يامحلاها ** اتنبت ايدي اورود قبل اذبلت
وكان هدرزت تاخذ العقل امعاها ** وفي وين ضحكتها اهمومي شلت
ننقاني غلبان من جفواها ** كابس غلاها اليوم فيه احصلت
وننقاني مازال في طرواها ** ايرقن اعزومي يرتخن مازلت
وننقاني مازال في مدعاها ** نرعش رعيش الموت ماطولت
علي طول عمري انعيش ماننساها ** حتى بعد ما انموت ما بدلت
لاكيفها حقيت لا يسواها ** اللي بعينها باب الكنين اعتلت
اتزيد عالقمر بالنور في مصباها ** اتقول شمس طلعتها علي اشعلت
اتعيش عايشه ويعيش من سماها ** تستاهل اعويشه كاني لها هللت

انتظروا المزيد من قصائد الجالي غريب