السمحة لبست ثوب أبيض ** سعيد الحظ ** اللي ياخذها ما يمرض ( إهداء خاص ,, لعروس المنتدى )

والمقصود هنا بالعروس فهي ,, العروس واللي نقوللها ألف ألف ألف مبروك
وانا من فترة نبي نباركلها ,, لعند ألقيت القصيدة وأنشالله تنال أعجابها وأنشالله ديما أفراح

يقول الشاعر ونيس الخمسي ,,
عروسة لبست ثوب أبيض ** سعيد الحظ ** اللي ياخذها ما يمرض
*****************************************
السمحة لبست ثوب جميل ** أبيض بالحيل ** بياضا والتنسيب آصيل
السمحة وين اعيون أتشيل ** علي تفرض ** الطاعة وآنا ما نرفض
أنفز ونا ما فيه حيل ** بجرح إنقض ** نباضي قلبي ما تنبض
********************************************
سمحة سمحة في مصباك ** أتقول ملاك ** المولى كل الزين عطاك
( ..... ) صادق من سماك ** لو نعرض ** شريط أوصافك ما ينفض
أتجلي ع الخاطر هضاك ** قديم غرض ** دقيقة بعشر أسنين عوض
********************************************
يا ( سمحة ) طولك متوازي ** طولك ع المعدال يخيل
السمحة مشيتها كعبازي ** حاكم في لأكعاب يشيل
أنتي ما فيك ولا نشازي ** تضوي كي القمر في ليل
سمحة واللبسة هندازي ** روعه والممشوط طويل
يأم أهذوب مدافع غازي ** هاون ع ألأهداف ثقيل
سرب أهذوبك هلي رازي ** ما ملي بدماه يســيل
خدك وأبسامك وإجوازي ** بيض أرهاف لهن تعديل
سمحة وآآآآآآجد ما تعتازي ** لا مكياج ولا تجميل
وأنتي عز جميع أعزازي ** نداعه شورك ونميل
لكن لو صادق تقازي ** راني من يا لاك عليل
نين الناس أدز تعازي ** راقد في لأنعاش نزيل
حتى ونا شاعر هدرازي ** قدامك ما عندي حيل
نزهابك ونقول مجازي ** أنشالله بين إيديك قتيل
طليبي يوم القدر أنوازي ** ف الدنيا ما ليك مثيل
يا أحلى ما في بنغازي ** يحكوبك من جيل لجيل
شوفك شوف هضاك الجازي ** حر أمسمى بو كمبيل
عدا كم كازي في كازي ** شهيد أعيونك بالتكحيل
ما ملي يالاك يزازي ** كيفي ع الأوهام يميل
ألا بختي متكي هازي ** فيه غلظ ** القسم اللي فيك يعارض
ملاحظة /
منعرفش ألأسم الحقيقي وهو مفروض يكون مكان الفراغ بين القوسين
أو أحيانا في مكان كلمة سمحة ,, حسب الوزن الموسيقي
وقراءة حرف ( ض ) مشدد وعلامة التشديد السكون

ولك شو هيدا يقبرنى جمال وحلاوة كلامك واختياراتك يااحلى حجو بالمنتدى ومشكور عالكلام الحلو عارفتك غير ناسي اسمى هههههههه