لانك اللي ناسي ولانك رايم .. ولانك اللي صابر شديد عزايم

لانك اللي ناسي ولانك رايم

ولانك اللي صابر شديد عزايم

ولانك اللي هاجرنا

ولانك اللي قادر اتخش بحرنا

ولانك اللي صامل نسيت جررنا

لاقدرت تبعد لااقدرت اتلايم

ايام مااطاطي على موكرنا

سهاري ايشلنك معاهن هايم

كنك غفيت وفي المنام خطرنا

أيجيبك ارياف اتجي علينا حايم

مرات بعد الهجر تذكرنا

أتجييني وفي صدرك نصيب تهايم

واحنا على تركك الياس جبرنا

جبرة اللي دالن عليه حكايم

لانك رجعت بطربه

ولاصمّلاتك يامرادي غربه

سدّدت في صدر المحبة حربه

سيّلت دمعات المسا النايم

تاريك م الساعة نويت الخربه

اتعب خاطري من عذر يصدربا

ويواجه خطر غدر الزمان الدايم

مرات ناخد من حنانك شربه

وناخد هزيع الليل ساجد قايم

لانك نويت رحيلك

وجروح الغلا تسمربهن في ليلك

وتشعل أوجاعي من لهيب فتيلك

وتبدل زعازيع الجفا بنسايم

تروي عروقي من شراب سبيلك

ونفرد شراعي في السراب العايم

تركح على شط الغلا تبيلك

جنح مركبك ماعدّ لومة لايم

اليوم كارهه شرحك مع تأويلك

في جعبتي منك نصيب هزايم


تحياتي لكم

كلام حلو يا دنيا دينا بصراحة عندكم حس الشعر الشعبي الجميل

تسلمي .........بس مفهمتش تعليق علي شنو بالضبط علي توقيعي والا عالشعر اللي كاتبتيه ؟؟