((((الصراحه راحه))))..

حاظر يا اهلاوى حنقلبوها جد هنا بس لان الجو كسد وقلق ومحد يخش للعبه قلنا لقينا روحنا قلبناها جوفي الاسئله بس خلاص حرمنا ..وتوا يبانلكم الاسئله الصريحه والجريئه والواعره غير بس اشجعو وخطمو جاوبو ...
من هوا الشخص الى غرت منه ..؟؟في حياتك كلها..؟؟

الصراحه خايف نحكى تسكرو المنتدى
عالعموم زمان كانت الصراحه راحه لكن توا الصراحه تجيبلك وجع الراس
اسألونى ني مجربه وراسكم هالكلام
الصراحه تكون صريح فى كل شي وماتخاف من شي ولو على قص راسك لكن فى ايامنا توا نشوفو المجامله غاليه ومغطيه عالاخر
و لكن المجاملة لا تلغي الصراحة ابدا..... وبرأيي المتواضع ان هناك انواع من الناس لا يستحقون المجاملة و لكن ليس معنى ذلك ان اكون وقح معهم و لكن ببساطة اتحاشاهم..واما اذا وجدت نفسي مجبر ان اكون صريح معهم فاقول رايي بصراحة و لكن باسلوب يخلو من الوقاحة.لان الصرراجه راحه مش وقاحه

وبصرااااحه

شن احسن يوم مرعليك في حياتك؟؟؟؟

والله في ايام الواحد مش حينساهن بكل ..منهن يوم نتيجة الثانويه .. 1992
ومنهن يوم 05/08/1992 . يوم اللي الاهلي فاز بالدوري للمرة الرابعه في تاريخه .. فاز على رفيق صرمان بملعب 28 مارس بنتيجة 5/2 ..وخذا الدوري ..اليوم هضا بالذات تاريخه لاصق في ذاكرتي معش بى ينتسى ..
كانن ايام حلوه بكل ...

من أكثر عضو امضايقك في المنتدى ؟؟؟؟ وتقوله سقم من روحك ؟؟؟؟

من أكثر عضو امضايقك في المنتدى ؟؟؟؟ وتقوله سقم من روحك ؟؟؟؟
ما فيش حد معين كلهم ماشاء الله عليهم .. بس الاسطوره مره مره ردودها ناشفه وماتعلقش واجد راكى تزعلى يا عسل ...

شنو خاطرك تمحى في المنتدى او تغير فيه ..؟؟؟