((((الصراحه راحه))))..

المؤمنه الأحد سبتمبر 27, 2009 1:18 am

اللعبة هذى زعلت نـاس وصالحت نـاس
وقربت ناس من بعضهم واجد

اللعبة هذى ياما لعبناها فى البحر مع الصحبات والاقارب
عارفتوها قصدي اللي اتقعمزوا امقابلين بعضكم في دائره
وكل حد ايجي عليه الدور يسال اللي امقابله
المهم لازم من القسم الدستورى للعبة واللي هو جزء منها قبل الإجابة :

أقسم بالله العظيم أن أجيب على الأسئلة المطروحة بكل صراحة وبجراه

واللى ميبش ايجاوب ايقول نمتنع عن الاجابه المهم اتكون
الاجابه صادقه وصريحه وهظا هو السبب من طلب القسم

وكل عضو يجاوب ويسأل العضو اللى بعده

نبوا أسئلة عاد اتسخن الجو واتشعللها نااااااااااااااار
ونبو اسئله قويه ويلا يا ريت الكل ايشارك
اي سؤال اللي يخطر علي بالك
أنا سنبدأ :
.
.
.
.
.
.
.
.
.
.
.
.
.
.

بسم الله الرحمن الرحيم
.
.
.
.
.
.
.
.

لو كان بامكانك تغيير اسم المنتدى شن حاتسميه؟؟

ahlawy الأحد سبتمبر 27, 2009 1:23 am

منتدى الأصحاب ...
س/ لو كنت رئيس المنتدى .. من تفصل من المنتدى ؟؟؟

mafia girl الأحد سبتمبر 27, 2009 1:41 am

لو كنت رئيس المنتدى نفصل .. Rolling Eyes

حى فكرت فكرت لقيتكم كلكم احلا ناس ماتحتاجوش لفصل بالعكس كان نلقى انزيد انخليكم اخرا في المنتدى .. Rolling Eyes

بس لو كنت انا المديره في ايام الغدار راهو كنت فصلته على طول .. من ايام المشاحنات الى صارت معاه ... Twisted Evil

سؤالى للى بعدى هوا ..

شنو هيا اسمط مشاركه او موضوع مريت بيه في المنتدى ؟؟؟ Twisted Evil

بسمة الأحد سبتمبر 27, 2009 2:29 pm

ايوه سخنو الجو ياهيك اللعب يابلا لكن الله الله نبوووووووووووووووو صراحه

اسمط مشاركه(اول مرة اتصير في العالم كله)

سؤالي

ا
العضو اللى تحس انك تجامل فيه مش اكتر

Nicolas Cage الإثنين سبتمبر 28, 2009 12:23 am

بصراحه بصراحه انا مانحبش انجامل اوانافق واول ماتعجبنيش حاجه على طول نقول رأي وهضا اللى مزعل واجد منى بعد عطيت رأي فى بعض الاعضاء

سؤالي:- مرتبط /(ــه) ولا فاضي/(ـــه)
ياهوووووووووو عادى قلنا صراحه واسئله ممكن تكون خارج او داخل المنتدى رانى بنتعبكم بصراحتى افطنو لرواحكم

المؤمنه الإثنين سبتمبر 28, 2009 10:09 am

فاضيه والحمدلله
وايوه نحنا نبوا الصراحه وبدون زعل هيا بين الاثنين (يا صراحه او جرأه)
وسؤالي هل انت راضي عن نفسك؟؟؟؟؟؟

الأميرة الإثنين سبتمبر 28, 2009 12:25 pm

مش كل الرضا بصراحه فى حاجات مش راضيه على روحي فيهن بكل

سؤالي

كم تعطي للمنتدى درجه من عشرة وبكل صراحه

المؤمنه الخميس أكتوبر 01, 2009 1:04 am

بصراحه وبصراحه المنتدى عاجبني واااااااااااااااااااجد وتعلقت فيه وخلاني نستعمل النت بعد ما كنت ما ايمثليش حاجه يعني لدرجة اني زمان درت ايميل وبعدها معش نندري عليه والمنتدى خلاني انخش عالنت كل يوم وعشان المنتدى

اما اني نعطيه كم من عشره فبصراحه8\10

وسؤالي.......
امتى اخر مره كذبت\ي؟؟؟؟؟؟؟؟؟؟؟
ماتنسوووووووووووووووووووووووش الجواب بصراحه او جرأه

زهرة الربيـع الخميس أكتوبر 01, 2009 2:36 am

توا

س:كنكم رايحين متعقدين واجد؟؟؟ أضحكوا الحياة حلوة

الأسطورة الخميس أكتوبر 01, 2009 2:06 pm

لا مش متعقدين الجو سمح بكل
من أغلى انسان في حياتك كلها؟غير امك طبعا

المؤمنه الخميس أكتوبر 01, 2009 2:53 pm

والدي (اغلى انسان في حياتي في دنيتي ولاحايكون في انسان اغلى منه)

شن اللي ما اتحبش في شخصيتك ؟؟؟؟

زهرة الربيـع الخميس أكتوبر 01, 2009 7:05 pm

شن اللي ما اتحبش في شخصيتك ؟؟؟؟ الغيرة

هل أنت/ي متفائل/ة ؟؟

Nicolas Cage الجمعة أكتوبر 02, 2009 12:35 am

من بس يقول الجو شين تي غيييييييييير عااااااااااادي واحلى اعضاء والله

متفائل نين مصمطها بكل

Evil or Very Mad

سؤالي

شن اكثر شي مضايقك في المنتدى؟؟؟؟؟ فكونى من الدبلوماسيه في الرد وتقولو مافي شي يضايق

الفراشة الجمعة أكتوبر 02, 2009 1:01 am

بصراحة في سؤال ديما لما يجي عضو جديد يقعدوا الاعضاء يستجوبوا فيها كيف عرفت المنتدي وعن طريق من ؟

ما هي الامنية التي لما تتحقق بعد في حياتك ؟

زهرة الربيـع الجمعة أكتوبر 02, 2009 1:09 am

حفظ كتاب الله

معنديش سؤال اللي بعدي يحط pale

الأسطورة الجمعة أكتوبر 02, 2009 2:10 pm

شن اكثر شئ اتحب انه ايكون ملكك؟

Nicolas Cage الجمعة أكتوبر 02, 2009 11:58 pm

شن اكثر شئ اتحب انه ايكون ملكك؟ scratch

ماعنديش حب الملكيه او التملك؟لكن ممكن نقول حياتى نحبها تكون ملكي وحدى وماحدش يدخل فيها او يعرف خصوصياتى ولي الحريه الكامله فى تصرفاتي

شن اكثر شي زاعجك فى الحياه

المؤمنه السبت أكتوبر 03, 2009 12:49 am

الظلم والكذب والنفاق
وان شاء الله ربي ما يكتبش عليا نظلم حد

و.
.
.
.
من اكثر عضو يعجبك ردوده ؟ وعليش؟

sloma السبت أكتوبر 03, 2009 10:35 pm

اولا عجبتني اللعبة واجد

اكثر عضو عجبني ردوده هو الاهلوي

سؤالي

لو طلبوا منكم احد الاعضاء ترك المنتدي ..هل تتركوه ؟

الأسطورة الأحد أكتوبر 04, 2009 1:56 pm

لا بس ايكون فضولي ليش انسيب ؟
هل انت شخص غيور

الشاطر حسن الأحد أكتوبر 04, 2009 8:06 pm

جدااااااااااااااااااااااااااا و يمكن في اشخاص يعرفوا الشي هذا ...

كان وصفوك بالحساسية الزائدة مع اقتناعك بصحة الوصف كيف اتخلص منها ؟؟

زهرة الربيـع الأحد أكتوبر 04, 2009 8:53 pm

كان وصفوك بالحساسية الزائدة مع اقتناعك بصحة الوصف كيف اتخلص منها ؟؟

ناخذ مضاد حيوي lol!

كان تعقدت من شخص وهوا ميندريش عليك كيف تدير ؟؟؟ afro

الشاطر حسن الأحد أكتوبر 04, 2009 11:28 pm

صار مضاد حيوي ... Sad

كان تعقدت من شخص وهوا ميندريش عليك كيف تدير ؟؟

بالصراحة احلـــــــــــــــــى : راهوا انا متعقد منك .. بسبب واحد و اثنين و ثلاثة ... مع اني منديرش فيها .. عادة نسكر عالشخص فترة لين الحرقة الي من ناحيتة تحول .. Twisted Evil

شن الحاجة الي مش عاجبتك في روحك ؟؟

زهرة الربيـع الثلاثاء أكتوبر 06, 2009 12:50 am

شن الحاجة الي مش عاجبتك في روحك ؟؟

الثقة الزايدة بالناس....

كم مرة انصدمت من حد قريب لك بكل ؟؟

mafia girl الخميس أكتوبر 08, 2009 5:09 pm

كم مرة انصدمت من حد قريب لك بكل ؟؟
في شخص عندى تقريبا كل ما نشوفها تصدمنى وتعزق كلمه لين تعودت عليها انها هكى ومزالت حتصدمنى اخرا لان نوعيتها هكى بس الله غالب يعنى ما عندى وين انطيرها قاعده على قلبنا وخلاص ..

امتى اخر مره الى تصرفت فيها تصرف غلط وعارف روحك انه غلط ..؟؟

((((الصراحه راحه))))..

((((الصراحه راحه))))..

رد: ((((الصراحه راحه))))..

رد: ((((الصراحه راحه))))..

رد: ((((الصراحه راحه))))..

رد: ((((الصراحه راحه))))..

السلام عليكم ورحمة الله وبركاته

رد: ((((الصراحه راحه))))..

السلام عليكم ورحمة الله وبركاته

رد: ((((الصراحه راحه))))..

رد: ((((الصراحه راحه))))..

السلام عليكم ورحمة الله وبركاته

رد: ((((الصراحه راحه))))..

رد: ((((الصراحه راحه))))..

رد: ((((الصراحه راحه))))..

رد: ((((الصراحه راحه))))..

رد: ((((الصراحه راحه))))..

رد: ((((الصراحه راحه))))..

السلام عليكم ورحمة الله وبركاته

منورين

رد: ((((الصراحه راحه))))..

رد: ((((الصراحه راحه))))..

رد: ((((الصراحه راحه))))..

رد: ((((الصراحه راحه))))..

رد: ((((الصراحه راحه))))..

رد: ((((الصراحه راحه))))..