هل صحيح ان من باعنا بعناه حتى ولو كان غالي؟

من بـــــــاعنا بـــــــعناه

بالنسبة ليا انا عندما يبيعني شخص او صديق او صديقه
طبعا انبيعه وفي ارخص الاسواق
وانحطه فى بند الخسائر فى قائمة مركز حياتي

مواضيعك دائما مميزه

نعطي فرصة عشان انشوف الي قدامي باعني والا سوء فهم وبعدين انشوف ممكن مش بايعني .....(هضا رأيي من قبل )
توه.........
انبيعه من اول ما ايبيعني وما انبحتش فيه بطرف عيني وننساه اخرى
لان الي ينكسر عمره ما يصلح حتى لوقدم مليون اعتذار
(تجربة شخصية)

اهداء الي كل من يشوف روحه معني بل الاغنيه

شكرا لمروركم ومرورك يابايت نايت بصراحة انت بالذات منقدرش نرد علي تعليقاتك ...واختصرت الموضوع
بس اللي باعنه تهيالي ان مايستاهلش ولا شن رايك

والله بصوره عامه....و بعد ما قريت الموضع اخرا........المفروض مفيش حاجه اهم من نفسك.....و خليناااا من الفيدو كليب و افلام الابيض و الاسود...و مفيش خير من الواقع........لان اساسا منو توا مستعد يضحي عشان خاطر حد....الحياه زحمه..و الناس دايخه.....بس الحياه حلوه...و تبي واحد يفهمهااااا كويس بيش يعرف يعيشهااااااا

من وجهة نظر مجتمعنا (اللي يبيعك بالفول بيعه بقشوره)..
ومن وجهة نظر ديننا الحنيف (والعافين عن الناس ) (والكاظمين الغيظ)(والله يحب المحسنيين)...
ولقد رأينا كيف عفى سيدنا يوسف عن أخوته فقال لهم: {لا تثريب عليكم اليوم يغفر الله لكم وهو أرحم الراحمين}..
ولعل أهم دعاء ليلة القدر هو(اللهم إنك عفو تحب العفو ..فاعفو عني).. ألا يحب أحدكم أن يتحلى بصفة من صفات الله وهي العفو ..ولنا في رسول الله الاسوة الحسنة في عفوه عن كفار قريش بعد فتح مكة (إذهبوا فأنتم الطلقاء)...
العفو صفة من الصفات التي يجب أن يتحلى بها الأنسان المسلم .. وخصوصاً العفو عند المقدرة وذلك لكي تكون له كفارة لذنوبه عند الله .. لقد رأينا كيف عفى سيدنا يوسف عن أخوته اللذين أرادوا قتله .. وكيف عفى رسولنا الكريم عن كفار قريش وهم اللذين أخرجوه وحاربوه وحاولوا قتله ... فما بالكم بصديق لنا أخطأ أو أرتكب حماقه .. هل نبيعه ونتركه لهذا السبب..
قال تعالى: {وإن تعفوا وتصفحوا وتغفروا فإن الله غفور رحيم} [التغابن: 14].
وقال تعالى: {وليعفوا وليصفحوا ألا تحبون أن يغفر الله لكم والله غفور رحيم} [النور: 22].
يقول تعالى: {ادفع بالتي هي أحسن فإذا الذي بينك وبينه عداوة كأنه ولي حميم} [فصلت: 34].

تحياتي لجميع العافيين عن أصدقائهم في هذا الشهر الكريم لوجه الله ..

لا سامحيني ياسحابه .. العفو مش عند كل الناس ...من وين جبتيها هذي ..(أيقولوا هضا كيف الجمل ماينسى بكل)
يعني حتى الأنسان اللي باعك ونسى العشرة على قولك يجب عليك أن تعفو عنه لو كنت تريد وجه الله ..العفو بصفة عامه عن جميع المواقف السيئة التي تصدر عن أولئك الناس ... تحياتي..

الي يبيع او يغلط انسامحه بس مع جمله ربي يسعده ويبعده ..والعشره تاخد منها الذكرى الحلوه .. وتم الموضوع ..

والله التسامح مطلوب بس علي رأي مجهول يعني عندما يبيعك شخص معناه انه باعك وقبض الثمن
وعندما يبعك شخص معناه انه مش فى حاجه لك
في هذه الحاله شن اتدير ؟ هو مش في حاجتك وهو اللي باعك يعني ماعش يبيك خلاص معناها مافش علاها خلاف ندير زي مادار وأكثر القضيه مش قضيه تسامح وعفو القضيه قضيه باعك يعني استغنى عليك وعلي رأي المافيا الي يبيع او يغلط انسامحه بس مع جمله ربي يسعده ويبعده