ايشيب هذبها ** اتسكب علي غالي رحل سيبها ** بلا كحل لا مرود

طبعا كلكم عارفين الاغنيه هذي
لكن احد الشعراء يرد علي الشاعر علي الكيلاني
وعجبني الرد فنقلتا الكم
********************************
*** يشيب هَذبــْــها ** تسكب علي غالي رحــــــل سيبها ***
******** بلا كـــــحل لا مرود *********
الشاعر :
ليش دمــــــــــــــــــــــــــــــــوعك .. وليش قابضة عالهجــر بين ضلوعك

مش لوّله ، لانك نهايـــــة نـــوعك .. اللي تنكــــــــوى م الحـــــب ويتعّـبها

لا الحزن ينفع لا يهدّي روعـــــك .. ولا الشيب ينجــــــــــــدها ولا يطبّبها

لا هــوْ دواك و لا يطفـّــي لوعك .. نوحك علـي لوهــــــــــام ومســــببها

خلي عزومك شادات صــــروعك .. زين الفرس تخـــــــــــبر اللي راكبها

ولا تخلطي بين الغلا وبرُوعــــك .. سالي قديــم التجـــــــــــــــربة جـربها

وانكان طعتيني أنجي فى طوعك .. نداوي جروحــــــك لعبتـــــــك نلعبها

يشيب هَذبـــْـها ....

ليـــــــــــــــــــــــــــــــــش الشـيب .. وليش ناويـــــــــــــــه للمـكحله تسييب

وليش البـــــــكاء يا بنت والتنحيب .. تكدير خاطرك نفسي وصـــل شخشبها

أنت خزرتك وان الصــباح طبـيب .. ويمكـــــــن تجيب الشمـس من مغربها

أنت بنت عصرانه تعـــاف العـيب .. لصـــــواب عــندك عالـــــيه مذهبها

يا ام ليديــن مخضّــــــبه تخصيب .. ويا أم الخجل حدّر نــــــــزل ع الجبها

يا مخوتمة يا فايحــــــــــه بالطيب .. يا أم النهود يتوب من يكســـــــــــــبها

ستين الف طــــــــــالبين نصــــيب .. أمغير أطربي يــــــدنى معاك طــربها

وأنسي سريب اللي ما يقيم سـريب .. وأشقي بنار أحذاك شــــــاط لهبها

لا نا كفـــــــرت ولا عبدت صليب .. أنكاني سجدت أسجـــــود فى محربها

يشيب هَذبـــْـها ....

مــا يتــــــــــــــــــــــــــــــــــواره .. دمعك على العفنـين غيـر جســـــــــاره

انسيه ديري عزم قيــدي نـــــــاره .. جديـــــــــد متلهف عليـك ســــــــــكبها

بالعقـــــد والخلخـــال والماجـــاره .. يدفع حليبك ، جيتـــــــــــــــــك يرغبها

وحكاية غلاك يصيغها بجــــداره .. ينظم عليها شـــــــــــــــعر ويسرسبها

” لقطع “مع ” بلها “أنكانهي ماره .. عـــلى قصتك ينشد جـــدع شايبها

اللي يقدّرك زيدي حمــول اقـداره .. واللي بدّلك عدّيـــــــه كيف حـــــــطبها

الدنيا قديمـــة طبعــــــــها درداره .. ما عمرهـــا صفيت عـلى شـــــــاربـها

وأنت صغيرة فــ الهموم خســاره .. غير أهو مولايــــــــــــه عليك كتبــها

يشيب هَذبــْــها ....
***********************************
**تسـكيـّبك عليـــــــه حـــــرام … عزيــز مــا شــرى يـــوم خــاطــرك**
***********************************

وليش البـــــــكاء يا بنت والتنحيب .. تكدير خاطرك نفسي وصـــل شخشبها

أنت خزرتك وان الصــباح طبـيب .. ويمكـــــــن تجيب الشمـس من مغربها

والله كلام حلو بكل وعلى فكرا حتى انا حبيت الشعر الشعبي منكم وشكلك هكي اختيارك ديما حلو لانك تعرف اترد علي نفس النمط

مشكور ومزيدا من ابداعاتك