طريقة عسل لكل أنواع الحلويات ولا أروع امممممممممممممم

المقادير:
2 كوب ماء
2كوب سكر
نصف ليمونة صغيرة الحجم
الطريقة:
تحطي نصف كوب سكر في الطنجرة اللي تبي تطيبي فيها العسل علي النار
وتخليه يذوووووووب نين يقعد كراميل بدون ما ينحرق أو يتغير لونه واااجد
بعد يذووب تحطي كمية الماء كاملة
طبعا أكيد توا السكر يرد ييبس
بس هذي أهم خطوة
وبعدها تخليه يذوب من جديد وتضيفي الكوب ونصف سكر الباقي
وتحركي
وتحطي نصف اليمونة بعد تعصريها بيدك تحطي حتى قشرتها
وتخليه يطبخ

يمكن اضافة عود قرفة او فانيليا او ماء زهر كل هذا اختياري


جربوها وادعولي كان صار منها

ومتدعوش عليا كان العكس

علي فكرة مدة تطييب العسل علي حسب كثافة العسل اللي تبيه انت

زعمه طريقه اكيده ولا بس نقل من موقع تانى قوللى انجرب ولا لا

لا والله بجد جربيه وعلي مسئوليتي



هذي طريقتي في عمل العسل