عيت دوبهم ايفككم الله منهم

هناك نـاس لاجالـو ولايجـيللهم .. ولا يعرفو مخلوق خاطـي هلهـم

هناك ناس راني نعرفا ممشاهـمم .. ماعمر شالنهـم بعيـد اخطاهـم
عيت دوبهم يالي تريـد اسماهـم .. فوق م البسال الشيـن يامبسلهـم
طامع اتريد ايطول فيـك اغطاهـم .. وهم يبخلو بيهن قشـور بصلهـم
عيت دوبهم بدري ايفوت عشاهـم .. م العصر الطويل ايسكرو منزلهـم
عيت دوبهم ما عمر والي جاهـم .. وأوقات يبخلو حتى علي عيلهـم

هـنـاك نــاس لا ينجـالـهـم .. ولا ينشكـا منهـم ولاينشكالهـم
ولا يبذرو حاجـه طيبـا تلقالهـم .. وما بذّرن ديهم يحصدا منجلهـم
ولا فعـل طيـب ينذكـر يبقالهـم .. تفتـش علـي تاريخهـم تتفلهـم
شينات تلقاهـن جميـع افعالهـم .. اخباث البحر ينزح ومـا يغسلهـم
من طبع عالق في جيال اجيالهـم .. لا ينفصـل منهـم ولا يفصلهـم
منـه ولا تقـدر قـوي فتالـهـم .. علي طبعهم قبلـك اللـي فاتلهـم
من جدهم بوهم خـذا وعطالهـم .. خذا طبـع اخرهـم عطـا لولهـم
وخال جدهم وخال بوهم او خالهـم .. من نفس المراح ومن خباط جملهم
ومنهم وفيهم جو خـوال عيالهـم .. حتي النحل يفرق القيـت نحلهـم
باسل ايدير اعسله كيف بسالهـم .. ظالمينه يرعـي علـي مشتلهـم
ولا بركه فيهـم ولا فـي مالهـم .. ابخال عمر ماعمر الضيف نزلهـم
و باسلين ومبسـل الله اوكالهـم .. ولا يقبلـو والـي ولا يقبلهـم
والــي ولا اتبـعـو يفتـالـهـم .. بيش من جديد ايغيـرو مخولهـم
واقرام م الكرامه ما طلع يصفالهـم .. وجايبلهـم مكـيـال ومكيلـهـم
وغربلت فيهم يا شقـا غربالهـم .. وان كان هذا يادونك لهم غربلهـم


منقول للشاعر بوعياد الشهيبي