كيف تضيع البنات وقت الفراغ متاعها؟؟؟تعالن شوفن كيف

طرق علاج الملل عند البنات

- امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعضكن

اول..منها تمشي وقتك ومنها تجددي علاقتكن ومنها تشغلي التلفون 12

ساعة << أرضي طبعا



- اطلعي للسور والا المنور والا السطاح وفرشيلك فرشة وانعزقي على ظهرك وتآملي النجوم

واسترخيييي وتاملي <<<<تلقي روحك راقدة وما استفدتي شي كالعادة


- قصي اطراف شعرك..كل ما مليتي عدي عند المراية وقصي الاطراف(بس شوية شوية منها)

..انراهن انك تنصلعي على هالحالة لأنكن ديما مالات<<


- امسكي المسجل..ودوري في الحوش وسجلي اصوات العائلة وهم يحكوا وسجلي صوت الطحنات والمصارعات الحره

وكل شيء



- عدي للسوبر ماركت وامسكي العربة ودوري بيها واخبطي خلق الله وقولي

اووه آسفة معليش أو حتى الملكانات في محلات الملابس<<<<كان ما التزيتي من وقتها



- امسكي ريموت كونترول واحذفي كل القنوات من الرسيفر وارجعي حطيهن من جديد (هذا

وجهي كان رجعتي منهم شي وانتي بالوضع هضا)



- تحدي نفسك تقعدي نص ساعة كاملة بدون ماتتكلمي مع اي احد او تفتحي

فمك ..نص ساعة طبعا بوجود الجميع (مااحد يقدر يديرها) <<<ترا ديريها أنتي



- ديري عصير برتقال واشربيه



- غيرى مكان اثاث غرفتك



- اقري مجلات اطفال



- ديري يوقا خصوصا وانتي ناعسة شوية واضحكي علي منظرك



- نظفي ايميلك...ديري ديليت للناس اللي من زمان نعنهم ما خشوا..وأقنورللناس

الثقيلين الدم



- ديري بطاقات أفراح وألفي صيغ جديدة ........أحلمي يعني



- ألفي مسجات للنقالات وأسماء مستعارة للماسنجر..خذوي مجلات وطلعي

منهن ابيات شعر وديريها نكااات للماسنجر واكتبيها في ورقة..



-ادخلي غرفتك وحطي (مكياج كامل) كأنك ماشية لعرس ولبزي وجك تلبيز

وصوري نفسك ..حركة صح بكل



- امسكي دفتر تلوين اطفال واقعدي لوني ...



- كان مليتي افتحي دولاب ملابسك وأقعدي قيسي ملابسك بدلة ورا الثانية



- عدي المطبخ ديري كيكة (وتعالي قابليني كان حد كلاها )



-ديري ايميل جديد واقعدي العبي على اللي تعرفيهم ..



- تعلموا لغة فرنسية هذا إذا انتي تعرفي أنجليزي .. مثلا كلمات معينة فرنسية

واقعدي تفلسفي بيهن


- اركبي سيارة واحد من هلك وهي موقفة في القوراج وكأنك تسوقي وصدقيني أول واحد يشوفك يشيلك للقوارشة



- اركبي وانزلي الدروج عشرين مرة .. منها تتمشي ومنها تديري ريجيم< لدبات فقط اكيد الكساد خلاكن تاكلن



- اقعدي على الكومبيوتر وحوسيه مثل العادة



- اصيدي اي حشرة ..(عنكبوت مثلا ) وحطيها في فازو وقعدي

راقبيها..بس متخليهش وقت طويل عشان متعذبش <<== لا لا خلاص متديروهش



- خوذي مجلات قديمة وأقعدي قصقصي صور ولزقيها في كراسة (تطلعي المواااااهب)



- أركبي للسطاح ..وألعبي كورة..وكسري لامبات أو أي شي يتكسر



- قولي للأختك ديريلنا حاجة ناكلوها وبعد تدير قولي لها معنديش نيه<<== أكيد بعد اتعقد منك انت تفرحي...

مش لما نلقوا وقت عشان إنحسوا فيه بالملل...
مش لاقيه حتي وقت إنقمعز فيه مع هلي...