إبتهال

يا مولاه يا عالم غيوبه ..
عبد ضعيف دالنه هموم

لحقه ظلم لخباث ابرموبه ..
منهم ذاق ويلات السموم

يسر عسر نفسه لمغلوبة ..
واشرح ضيق صدره لمغموم

وتوب عليه واغفر له ذنوبه ..
ياللي شي غيرك ما يدوم

ياللي اسماك وقتن ما دعوبه ..
أهل الكهف نجيتهم اعموم

في القرآن قصتهم اعجوبة ..
آية وعظ لاصحاب الفهوم

وبين امواج شقيتهن دروبه ..
موسى وين لحقوه الخصوم

اغرق فرعون وجنود اهتفوبه ..
وبات النصر للحق امحسوم

اعزق ع الشط فوقه غير ثوبه ..
درس بليغ للناس امعلوم

قوي وقدير ما تكيدك صعوبة ..
ولا للسنة تخضع لا النوم

عليم عليك ما تغيب امحجوبة ..
وبامرك كل هالكون امحكوم

الناس احذاه لكن ما دروبه ..
عبدك راه مولاقي عزوم

اللي داروه ف الغفلة ألعوبة ..
يا جبار عاقبهم اليوم

وانكان أجلت ميعاد العقوبة ..
باذنك ما تطول ف القدوم

اجعلهم قش طاير من هبوبه ..
حر نسوم من ريح السموم



منقول للشاعر الشريف الشارف الحرنة