يا العين قولك يانا

ولا يجيبهم يا العين قولك يانا ..
يهون عليك الجرح في سطرانا

يا مخدوعة
ويا اللي بنار مكوية ملذوعة
ويا اللي ثلاث كبيدتك مفروعة
بين الرجا وعزيز اونسيانا
ثلاث ونصيبي ف الغلا في جوعه
حتمته من اول يوم من عنوانه
هضول دارهم لي حجف لي مربوعة
لي دار وكله مربحه تجرانا
وخلك احذا عقلي وينصب نوعه
معاه نين يجلن معاك غبانه
علينا بالطيب خطبته مرتوعة
وديما علي وجه الوطا عيدانه

يا مختولة
ويا اللي عليك الياس واخذ صولة
ويا اللي غلاه عليك دايل دولة
ما ديلها مديول من عدوانه
ويا اللي عليك الموح حط اسدوله
هبايب خريف وفي وطا طيانة
ويا اللي حذاك جضار حط ارتوله
عرمرم جيوش مطوقات الحانة
وتريدي غلا مانك الا مهبولة
نلقاه ف الغلا يحسن الله عزانا

يالضريرة
بلوعة عزيز وهالجرح سطيره
ويا اللي عليك الياس عاير عيرة
بسيل السوايا يدلفن وديانه
وداير رعود وبان برق بهيره
نين يغتشن لنظار في شكعانه
عقارك اللي كانن اضفاف شعيره
سنابل كبار اوحبته مليانة
ينبت بشوك وتحصديه مطيرة
وتمشي علي قص الحصاد حفانة
خلنك ظروف الوقت بين الحيرة
اتلطي وبين احمول ما تقانه

يا منهاسة
ويا اللي دلاك بشرهته وبياسه
ويا اللي خطاه معاك مسع قاسه
بنادم خطا قايس ومال زمانه
ومالت عليه بعزوته وبناسه
الدنيا وخلاته وحيد احزانه
احذاك بخطاهم يطلقه وسواسه
ويبرد الجرح ويخمدن نيرانه
وانت تزيدي كل يوم حماسه
تباتي جمود وتصبحي حنانة

يامن هفة
ويا اللي غلاه امبوكساتك كفة
بعام كي سنت صيفين يقلي نفة
وشمسه علي وجه الوطا حضانة
ونحن مسافرنا سرير ودفة
قطعنا اوطان ومو غزير اوتانا
ولا بدرب ناعر لا بشي توصفه
الا ما غرود سيوفا تدانى
وصارت اقصر عمر الخبير توفى
قعدنا حطيط امجاورين خلانا



منقول للشاعر مراد البرعصي