أنا والأجنبي ؟؟؟؟

السلام عليكم ورحمه الله وبركاته

مش عارفه كيف نبدأ بس حبيت نحكي موقف صار معايا هو ممكن موقف عادي بس أنا بصراحة ممكن لان معرفتش نرد

تحاور معايا من فترا أحد الأجانب أللي معانا في الشركة كان يحكيلي علي رمضان وشن دايرين المهم هو مسيحي من خلال الحوار سألتا هو إذا من الكاثوليك أو الأرثودكس أو بروتستانت قاللي وحكالي التفرقه وبعدين قاللي زيكم أنتو الأسلام عندكم الشيعة والأسلام ...اول ماقاللي ع الشيعة ....... المهم بعدين قاللي وحتى الأسلام انتو عندكم مقسم قعد إيقوللي ع الأخوان والسلفيه هو هذين بس اللي عارفهن قاللي انا سامع وأستمر الحوار........

المغزى من اني كتبتها لكم أن هو طلب مني كتاب يبي يعرف أيش الفرق معرفتش أنا شن أنقوله هو على فكرا ميعرفش يحكي عربي بكل يعني يبي كتاب بالأنجليزي وانا جايبتلا كتاب من قبل يحكي فيه ع الأسلام بصفة عامة لان هو طلب مني بيعرف ع الاسلام وخاصه علي رمضان من السنه اللي فاتت لان مكانش مستوعب كيف يقوللي انتو تقولو ربي رحيم وكيف في ايام الحمو متقدروش تشربو في رمضان ف لقيتلا كتاب بعدها فهم لكن شن رأيكم نشوفله كتاب وإذا شفتله وين نلقاه وشن أسمه لان لازم بالإنجليزي هو ميعرفش عربي بكل

طولت عليكم معلش

ربي يجزيك خير ويفتح عليك انا حانحاول انساعدك بس لو حصلت كتب كيف انوصلهن لك
نحن في الشركه عندنا اجانب مسلمين واجد اكيد عندهم كتب اسلاميه واكيد حنلقي حد يساعدك

حاظر يا ازميرالدا والله مش ناسيه الموضوع بس غير نمشي للشغل
انا الفترة هذه مانمشيش لأني تعبانه شويه,,بس مش ناسيتك والله