بعض أخطاء الشباب وكيفية تصحيحها ***

خطأ :

عندما يصطدم بك أحد وأنت تمشي .. تسقط كتبك ... تأخذها وتمشي .. وكل منكما يتأسف للآخر ...


الصحيح :

تمسكه مع دبشا ... وتخبطا بالساس .. وتركلا مع بطنه ..
وحبذا تنهيها بركبة وإلا كوع ...

..
تقوله شيل الكتب .. ومرة ثانية فتح عيونك يالوح


خطأ :

تفتح الإشارة .. يقعد يبيبلك االي وراك ... تبهت في المراية ... وتلقاه معصب .. تشير بيدك تتأسف ...


الصحيح :

تنزل له بمفتاح العجل .. أو الاكريك ... تدقلا علي القزاز... وأول مايفتح...كرا مع شعره ... واضربا نييين يقول العيد بكره ...


قوله مرة ثانية تقعد الاشارة خضراء .. حمراء .. زرقاء ... تاكل تبن وتسكت ..


خطأ :

تحلق عند حلاق ... ومتحمس تقولا كيف يدير...... وهو يقولك .. عارف شغلي ..

أنت بس تريح ...

و يزرد فيك زردة شينة بكل... ...ويرقالك وتعقد ... وتسلكا وتطلع ... وتقول في نفسك

والله ماعد نحلق عنده ...


الصحيح :

تاخذ الموس ... وتخربلا شعرا... وشنبتا ولحيته ... وإذا حصلت تحلق راسه عكس مش شينه ...

ومتحاسبش ... وحبذا لو ضربتا ... (( على حسب الموجودين ... لو ماعنده حد أضربا )) ..
..

قول بينك وبين نفسك ... ماعمري نحلّق عنده ...


خطأ :

تمشي في الشارع .... مثلا للجامع... يجي عيل صغير ... يضربك بحيطة..

تلعن الشيطان وتعوذ من إبليس ... وتكمل طريقك .. تقول طفل عادي معليش...


الصحيح :

تاخذ لك بلكّه ... وتعزقها عليه ... كان ضربته ... فهو خير ونعمة

وكان ماضربته ... خوذعصا .. وامسكه واضربا نييين يعيط ...

كان عيط خير ونعمة ...

وكان ماعيط.. خليه ... وعدي صلي وكمل مشواريك... ورد عليها .. وتفرّغ له ...

أكيد مش حتحمل نييين وقت الصلاة الثانية ... وعلى مسؤوليتي توا يعيط...


خطأ:

ساكن بالدور الأرضي ... وفوقك ساكن واحد ... وجت الساعة واحد ... وأنت تبي ترقد ... واللي

فوق قالبين الدنيا ...

ماتقدرش ترقد ... تعدي لهم .. وتدق عليهم ... وتقول لهم ... انتوا دايرين ازعاج وانا نبي نرقد...

.. وتلقاهم نفس الحالة .. تقول .. الله يقطعهم ماخلونيش نرقد .. وتواصل للصبح ..


الصحيح :

اول شي تعدي تدور حبلة في الحوش وبعدين تركبلا ومتدقش الباب ولا الجرس اضرب الباب

نين يفتح لما يفتح تخبطا علي راسا كم خبطة قريبات من بعضهن ...



خطأ :

متابع فيلم .. ومتحمس .. بعدين يجي واحد من خوتك ويغيّر القناة .. بدون مايشاورك ...تقوله

ليش هكي ماتشوفش فيا نتفرج؟


الصحيح :

اخبطا بالصونية كنك كنت تاكل في شي والا الطفاية... ولحقه بكف ... وخوذ منه الريموت .. بدون ماتكلمه ...

وحط فيلمك ... وتابعه بصدر رحب ...


خطأ:

تكتب بعد نهاية اي موضوع تكتبه في المنتدى على النت: ان شاء الله ما طولت عليكم وتقعد

اتأسف وكأنك داير جريمه


الصحيح :

المفروض تكتب اقرأو وانتم ساكتين واذا طولت موضوعي وانا حرة والي مش عاجبه ميقرش من البداية

هههههههههههههههههههههههههههههههههههههههههههههههههههههههههههههههههههههههههههههههههههههه
حاظر يا باشا عولم .
اقري الرد وانتي ساكتة وكان مش عاجبك طفي الكمبيوتر بكل ...
ههههههههه
بصارة..