ما هو شعور الفتاه عندما يراها الخاطب ثم يقول إنها لا تعجبني ؟

اتطلع فيه ستين عيب واتقول انا اصلا ماخشليش راس

عارفه شعور زي شنو
انقولك

عارف لم تقعدي في طريق طويلة وما فيش حد وماشيه بروحك واتراجي في أي حد ممكن أيوصلك وبعدين تبد المطر تمطر بشويه ودنيا تبدا اتظلم وأنت على امل انا حد ايخطم وبعدين أتشوفي سياره جايه من بعيد وتبدأ أتقرب منك وبعدين أيغيرك بالضي ويبد يقرب اكثر لكن عنده سرعه ويبدأ ايخفف وياخطم عليك ويقعد يبحت فيك لكن يفوتك بمسافه بسيط وانت اتقولي خلاص يبي يوقف واتشوفي السياره من الخلف وتحقي ضي الستوب شاعل اتقولي اهو يبي يوقف وتبدي انت ماشيه شوره بخطوات سريعه شويه ولم اتقولي خلاص قربت يعلك ويسيبك وتردي بروحك كيف ما كنت بصراحه انحس فيه نفس الشعور بس المهم ان الموقف ما يكونش له تاثير فيك وتقمعز وتحط يدك على خدك واتقول خلاص معش في امل ان حد يخطم اخر
بلعكس المفروض انك اتصبي من جديد وكانه مفيش حاجه صارت واكيد توا يخطم حد ثاني بسياره احلى وافخم ويدرس عليك وين ما انت مصبيه يعني مش هتمشي وراه وممكن ينزل ويحلك الباب وتقعدي اتقولي الحمد لله ان الاول ماصبه عليا يعني الامر يقعد عادي سوء للمرأة او للرجل حتى الرجل ممكن اتسير معه ونعرف واحد صارت معه وتوا كويس يعني ميحس فى شي ،،،،،،،،،،

كيف ما قالت ام الخاطب الزواج قسمة ونصيب

وممكن تعجب الخاطب ومتعجبش امه عادي الخلاصة انه قسمة ونصيب ولو اسكرت بكل بكل معناها الخاطب معندش نظر هههههههههههه

تحياتي

صح هي صعبة شوية بس الإنسان ايخليها ديما علي الله
مرات الشخص هذا مش مناسب لها
القسم والنصيب علي الله