هل تفعل هذا تجاههم ؟ اجب/اجيبي بما تفعلون لا غير..

- هل تُحسن معاملة والديك كما يجب ان يكون؟

انحاول علي قد مانقدر بس مشكلتي ان عصبيتي اتخلي فيا انزعلهم خصوصاً أمي لأنها قريبه مني في العمر وهذه مشكله...

- متي اخر مرة قبلت فيها يدا والديك؟

هذه قصة لأن باتي مايحبش حد يبوسله ايده بكل واامي تزعل لو مادرتهش لها يعني ماشيه علي جوهم بس الخدود أكثر من الايد

-هل تتعصب عليهم كثيراً؟

مرات لأني عصبيه وزعاله بس هم فاهمين ومايزعلوش مني وهم اللي يجوا يرضوني مش انا ..هذه مشكلتهم ماحد قاللهم يدلعوني...

- هل سألتهم في مرة ماذا يتمنون او يحتاجون ولبيت ما ارادوا؟

انحب كل فترة انجيبلهم حاجة عشان انردلهم شوية من اللي داروه ليا ومازالوا يديروا...

- هل انت ممن يُهادي والديه بهدية لا تعني ما هي قدر ما تُعني معناها لهم فهل تفعل ذلك؟

ايوه انحب نهديهم خصوصاً في الأعياد ولو في مناسبة انجيبلهم اللي نقدر عليه...

- واذا كنت بعيداً عنهم متي اخر مرة زرتهم او اتصلت بهم؟

الحمدلله قريبة منهم ماعمريش بعدت عليهم وربي مايكتبها ليا ...

- ما رأيك بمن يضعون والديهم في دار للمسنين بحجة الانشغال..؟؟
ثم يتركوهم لا يسألون عنهم وكأن ليس لهم احداً ؟

مانبيش حتي انفكر في الموضوع ...كيف الواحد يهون عليه باته او امه ويدير فيهم هكي ...


شكراً عالموضوع الحلو يا زوزو وربي يقدرنا أن نرضيهم ويارب مايزعلوش مني لأنهم أهم عندي من نفسي