الى الاعضاء الرجاء ابداء رأيك بالموضوع ...

alwasn الخميس أبريل 22, 2010 3:34 pm

سلام عليكم ورحمة الله وبركاته
صباحكم \مساءكم ورد وفل وياسمين

موضوع محتاج للنقاش

الاكيد ان الكل يعرف ان في كل المنتديات يوجد بنات مشاركات وفاعلات في مشاركاتهم ومنهم من يتولى الاشراف على بعض المنتديات وتجدها لديها الكتير من الاصدقاء بالمنتدى
وهناك الشباب ولكن الفرق بينهم هو ( الايميل) فالشباب تجدهم يضعون ايميلاتهم في اخر مشاركاتهم ليس الكل طبعا بعض منهم

ولكن السؤال الاكثر ( حيرة) لماذا البنات لايضعن الايميل الخاص بهم ؟؟؟؟
هل هو الخوف من ( كثرة ) المضايقات بعد انتشار ايميلها ؟؟؟

والسؤال هل انتم الشباب ( سيئين) ؟؟؟؟
ام نحن البنات ( حذرات) اكثر ؟؟

ارجو المشاركة
تحياتي

جون سينا الخميس أبريل 22, 2010 4:01 pm

ولكن السؤال الاكثر ( حيرة) لماذا البنات لايضعن الايميل الخاص بهم ؟؟؟؟
هل هو الخوف من ( كثرة ) المضايقات بعد انتشار ايميلها ؟؟؟
اكيد
والسؤال هل انتم الشباب ( سيئين) ؟؟؟؟
ليس سيئين بس الشباب لهم جراء كبيرة في وضع بياناته الشخصيه
ام نحن البنات ( حذرات) اكثر ؟؟
اكيد حدرات ويخفن من وضع البيانات الشخصيه

الى الاعضاء الرجاء ابداء رأيك بالموضوع ... IMG28157-1269487161

الى الاعضاء الرجاء ابداء رأيك بالموضوع ... IMG28157-1269487161

المتألقة الخميس أبريل 22, 2010 9:46 pm

بالعكس عادي جدا مفيش شي من الكلام هضا عندي وين المشكلة ؟؟

mafia girl الخميس أبريل 22, 2010 11:36 pm

بالنسبه ليا وتفكيري الخاص انحب انكون عندى جانب شخصي جدا يعنى برايفت .. مش اي حد يضيفنى وانضيفه . لو حد يبي يضيفنى يسالنى واكيد لو انسان او انسانه كويسه انتعرف عليهم بعد مانعرفهم من ..لكن انا نحب الغموض مش كل شي ساهل يبان عندى ..
اما عند الشباب عادى يختلف لان الشباب حياتهم اجتماعيه اكتر وماعندهم مايخافو يعنى الشاب راجل ويقدر يصرف في اي موقف اما البنات لازم الوحده تحافظ عن نفسها وادير لروحها برستيج ومكانه ههههه حسيتكم حتعلقو عليا على كلمه برستيج بس هذا الواقع ..موضوع حلو وعندى نيه نكتب واجد بس تنبلت المره الجايه نعلق اخرا على تعليقاتكم ..

b@t night الجمعة أبريل 23, 2010 12:09 am

alwasn الجمعة أبريل 23, 2010 12:21 am

السلام شكراا لاهتماامكم ........
بالنسبه لرأي اناا مع ماافياااااا اكيد
البنت حاااجه سبشل.... والحلو الواااحد يحااافظ علي نفسه
في ابسط الامور المهم انا بنت وعندي اشياااء وااجد لازم نرااعيهن
يعني في ضواابط .. مش اي حد لازم نتعرفوو عليه مع احتراااامي للكل

تحياااااااااااااااااتي ليكم وسلام لكل وااحد رد علي موااضيعي.......

b@t night الجمعة أبريل 23, 2010 12:34 am

موضوع حلو و مهم جدا بس للاسف وصل متأخر ممكن اكتر من 10 سنوات.....الحياه توا اطورت...و الشباب و البنات اطور..و التفكير تغير و مش كيف زمان....مش معنا كلامي ان كل بنت اتعرف علي اي حد..او اتحط الايميل بتعهااا..اكيد في ضوابط...و حذر خصوصن في ليبيا العظمي.....و علي العموم المنتديات مش هيا حد الدنيااا..و الموضوع اسهل من هكي بواجد....خصوصن ان منتدي سلومه انا نعتبره من اكتر المنتديات احترام..و الاعضاء كويسين كلهم...يعني مش هيفرق معاهم اذا بنت من المنتدي حطت الايميل او لا...واي حد يكون حاط الايميل و في حد ضايقه او دارله اضافه ممكن يحذفه...القصه من هتكلف الا كلك واحده بل موس.....وبصوره شخصه انا الي شاب برضو منضيفش في اي حد سوا شاب او بنت....و في النهايه مفيش حد ملاك في شباب مبه مبه و في بنات ميه ميه... والعكس صحيح

b@t night الجمعة أبريل 23, 2010 12:35 am

نسيـــــــــــــــت......ههههههههههههههههههههههههههههههههههه

alwasn الجمعة أبريل 23, 2010 2:27 am

شكراا لك من قاام بالاهتمااام ورد
وانا محترمه وجهة النظر الاعضاااء
ممكن جااء متااخر او اناا جيت متااخره الله اعلم
تحيااااتي ليكم..........

زهرة الربيـع الجمعة أبريل 23, 2010 7:20 pm

والله ما فيها حاجة عادي جدا فيه حاجات اطور من انك تحط ايميلك او اي شي خاص بيك

مشكورة حبيبتي

تحياتي

mafia girl السبت أبريل 24, 2010 1:21 am

بالنسبه ليا انا مش حاجه عاديه حتى لو بعد مليون سنه او حتى اطورنا لاقصى حد مستحيل انحط ايميلى الا في مكان نعرف ان اشخاص معيننين نعرفهم كويسين او اصدقاء ..لان عقل الشباب بعض الشباب مايطورش بكل .. تخايلو مثلا حاطه ايميل في مكان عام واي حد يقدر ياخده ويضيفنى ويديرروحه طيب وتضيفوه ويمشي يقول للناس انا ضفت فلانه ونحكى معاها ويخرف قصص من راصه ويقول اهو الدليل انها عطتنى ايميلها وبلا بلا بلا .. من الاخير تفادو اي حد ينطق كلمه عليكم او يمسك عليكم اي شي لان الناحيه هذى لازم البت تكووووووووون حريصهعلى اسمها وشخصيتها .. ومش ساهله لاى حد يوصللها.. هذا من تفكيري الخاص ..

زهرة الربيـع السبت أبريل 24, 2010 2:05 am

انا نقصد لو ان البنت تبي تلف وتدور والشاب اكيد الحكاية مش متوقفة عالإيميل بس فيه طرق اخرى وعادي مرات تسير تدير اكثر من ايميل أو تكذب في معلوماتها

من الاخير البنات والشباب ميوحلوش بكل وفرضنا لو انها حطت معلومات مش بالشرط تكون صحيحة

وعن نفسي علي ارض الواقع معنديش ايميل زايد عليا بكل يعني اللي مضيوفين عندي انا ضفتهم بإرادتي ونحكي معاهم ومعروفين من بالواحد

تحياتي

السحابه السبت أبريل 24, 2010 12:15 pm

موضوع حلو بكل والنقاش أحلي منورين كلكم
بالنسبة ليا ماينفعش انحط ايمكيلي بكل لأني ماعنديش ثقه في حد بصراحة وماينفعش اني نكذب او انزيف المعلومات يعني انقل في الصدق
وفي وقتنا هذا ماينفعش كيف ماقالت مافيا لأنهم يستغلوا في قصة المعرفه هذه ويا بات الناس مش كلهم كيف بعضهم يعني مش كلهم ملائكة كيف ماقلت
الواحد مايضمنش شن يصيرله
انا حتي مش مع المواقع اللي فيهن تعارف بس زي الفيس بوك واللي يشبهله ومواقع الدردشه لأنهن يبن كذب لأنك لو حكيت الصدق تلقي العالم كله يحكي انه يعرفك
وتلقي روحك خاش في قصص مايعلم بيهن الا ربي ولو صار وسجلت انضيف اصحابي اللي نعرفهم معرفه شخصية وعندي فيهم ثقة واللي جت من العشره
يعني الموضوع مش ساهل عندي ..ممكن اتقولوا متخلفه بس الله غالب واقعنا فارض علينا المعاملة هذه لأنه ببساطه نحن بنات

بات نحن مقيدين بقيود ماحد يقدر يجاوزهن في حاجات واجد يمنعنه من الحرية المطلقه هذه ...
الموضوع مش تطور وا تقدم الموضوع اوسع من هكي

مازال عندي دوه اخري بس خليه مرة ثانية..