مازلت نا هو نا

ليلك طويل وطول
وإلياس في عمرك امغير ايعول
كثرن اهمومك ما عليك اتحول
نين تركعي للي نريده نا
مازلت ناهو نا

للي انريده كنك
وتدمعي احترقي
نين نخلص منك وبعدها
نطلق سراحك ما نريد غلا
مازلت نا هو نا

ونطلق سراحك ديمة ......
وترحلي بقوارب تالفة وقديمة
ويهوج البحر ......
وتطفحي عالسطح يالعديمة
ماسكه الواحك ماهناك نجا
ما زلت نا هونا

مازلت نا العنيد
ومازال زولك في سمايا عيد
ومازلت نلبس كل يوم جديد
وإنت اتعاني في اهموم اخرى
ما زلت نا هو نا

ما زلت نا محتار
وما زلت نكمن في لهيب النار ....
وماوما زلت ما صدقت هاللي صار ......!!
اطر يلي كما راقد تصيب غفا .......
.ما زلت نا هو نا

ما زلت كيف ما كنت
وكل شيء عندي بالكيال وزنت
إلا رفقتك ...؟
في آخر النهار أفطنت
إلقيت ميزانك امغير هوا ....