بعض النماذج من الرومانسية الليبية ههههههه

الشاطر حسن السبت يناير 23, 2010 3:12 pm

س ع ع اساس في النيم بز

المهم هذي نماذج الرومانسية الليبية

ههههههههههههههه

المسكينة نادية ( مدرسة أعدادى ) قالت : مرة وصلني راجلي للمدرسة ..وقبل لا ننزل من السيارة قلتله : ( حنستاحشك ) فنص فيها وقاللها : إنزلي بالك تو تعطليني ... عندي شغل ؟؟؟؟؟- و منحكيلكمش ع خبطة الباب بعدها

خيرية تشكي من راجلها قالت : مرة خطرتلي فكرة حلوة ... وقلت خلي نشري لراجلي هدية قنينة ... المهم قول إشرتله نقال ولفاته فى غلاف حلو وكتبت من داخل ورقة صغيرة مكتوب فيها .. إنحبك ومش عارف شنو تاني ... ولما عطاته الهدية خداه وفتح الغلاف ومزقه .. ومزق معاه الورقة اللي داخل وقاللها : بقداش شريتيه الموبايل هادا ...قالتله : ب300 دينار ... قاللها : زلبحوك يا درويشة .... هدا حقه 50 دينار .. المسكينة جاها إنهيار عصبي ...

حكاية رجاء مع راجلها أبوعجيلة ...قالت : مرة خطرلي بندير سهرة رومنسية ... وشرت عشي مدندن من المطعم ...وبعد ما وتت الدار وولعت الشموع وطفت الضي ورقدت الصغار ... روح السي ألبوعجيلة ...وطوح المفتاح طاح فى هادكا العشي .. وبعد ما عبا بطنه وإستمخ .. انبطح على ظهره وقاللها : نوضى الفروخ خللي يجوا ياكلوا .... وووووووووووووه وووه Tعاد اسمه بو عجيله شن تراجي منه ؟

طبعا هذينا بعض النماذج الي ابطالهن الرجال ... انتلاقوا في نماذج اخرى ابطالهن الحرييييييييم

فيش التحايا