الصداقه & المصلحه

السكوت احيان مايدفعـك يمكـن للامـام
والكلام احيان مايجلـب نتيجـه مربحـه

والقناعـه كنزلايفنـى ولافيهـا كــلام
والطمع مايخدم الطمـاع يمكـن يذبحـه

والسكوت من الذهب ماخوذمن باب السلام
قالها مـن قالهـا لكـن حكمـه ناجحـه

وانا اول من يطبقهـا ومرفـوع المقـام
بالرغم اني ملسـن لانويـت الشرشحـه

لكن هذي قاعده عندي لتطبيـق النظـام
ماتنقص هيبتي تطبيق حسـب اللايحـه

احترامك للبشريعطيـك هيبـه واحتـرام
وش الافضل تشتم الانسـان والاتمدحـه

يابني ادم نصيحـه قبـل تنـوي للمنـام
لاتشيل الغيظ في صدرك وخاطرك اشرحه

من يحبك اعتبر حبه على صدرك وسـام
من كرهك اتركه والا قـول الله يسمحـه

انـت ميـت يابـنـي ادم ولله الــدوام
ذكرك الطيب بيبقى حـي طيبـك يقدحـه

والله ان الطيب في عيني سند ظهر وحزام
واللسان حصان لاصنته بيحفظ مطرحـه

قالها اللي يعرف الدندون من راعي الملام
يعتلي في قمه الامجاد من غيـر اجنحـه

لو كثير الاصدقاء وده بفرقـه وانقسـام
قلبي ابيض والصديق اموت قدم اجرحـه

حتى لو قلبي يحرضني على اولاد الحـرام
ويكدر جوي الصافي ويرمـي المسبحـه

ويقلي شفت فعل اصحابك الناس العظـام
والامان اللـي لمـن مايستحقـه تمنحـه

شفت وشلون اصدقاك اللي لهم عندك مقام
يقفلون اسماعهم عن كل صوت(ن)تصدحه

قلتله ياقلب ماهوشرط يعطونـي اهتمـام
لاتلوم الاصدقاء عدل خطاهـم ومسحـه

وانت عندك حق لاتهتم في مسك الختـام
اصدقاء هالوقت ميالين مثـل المرجحـه

بس واحد فالميه صحبه موده وانسجـام
وتسعه وتسعين فالميه صداقـه مصلحـه

تحياتي