امثال ليبيه لين خلاص ...

mafia girl الجمعة أكتوبر 16, 2009 6:33 pm

أمثال ليبية

إستعجلت الكلبه على ضناها جابتهم من غير عيون

النفس نفس ملوك و الحال حال سردوك

يا سعد من قال أمي وقالت نعم وجاوباته تاريتها الأم جنة ياتعس من فارقاته

ياحوش مافيه حنا .. دخان راقي عجاجه ,,,,, تخشه 200 مره ماتنقضي فيه حاجه

مشيت للبحر نشكي من كبر هبالي .. حتى البحر وخّر ووجعه حالي

البخت عند الناس مهو بعندي الي نزرعه كرموس يطلع هندي

راقد الريح إيعظه الكلب وسط الزحمة

حط الزبدة علي خشم السلوقي

اربط تلقى ما تحل

إللي يخف عقله يتعبوا رجليه

ياعين ماتمشي مع الطهاقة يطول الزمان و ترميك على الرقراقة)

بسمة الجمعة أكتوبر 16, 2009 9:44 pm

منورة يامافيا اسماح بكل وكلام صح الصح
منووووووووووورة ياعسسسسسسسسسسسسسسسسسسل

السحابه الجمعة أكتوبر 16, 2009 9:54 pm

إستعجلت الكلبه على ضناها جابتهم من غير عيون....مساكين والله عمي يعني؟؟؟

مشيت للبحر نشكي من كبر هبالي .. حتى البحر وخّر ووجعه حالي...ايوه والله صدقتي,,,

البخت عند الناس مهو بعندي الي نزرعه كرموس يطلع هندي...حاجه تتأكل وخلاص...

راقد الريح إيعظه الكلب وسط الزحمة,,,,,,لالالا الا العض مافينش,,

حط الزبدة علي خشم السلوقي,,,اتسيح اكييييييييييد...

شكرا يامافي عسل والله...

زهرة الربيـع الجمعة أكتوبر 16, 2009 10:20 pm

راقد الريح إيعظه الكلب وسط الزحمة

شكراً مشاركة جميلة

المؤمنه الجمعة أكتوبر 16, 2009 10:49 pm

اربط تلقى ما تحل

إللي يخف عقله يتعبوا رجليه

ياعين ماتمشي مع الطهاقة يطول الزمان و ترميك على الرقراقة

بارك الله فيك مافيا على هالمشاركه الحلوه اللي زيك وشكرااا