زهرة السوسن تطلب العون من الأعضاء الكرام

السلام عليكم ورحمة الله وبركاته:

أولا متنشغلوش واجد لأنه موضوع مرات يكون عادي بالنسبة لكم لكن بالنسبة ليا أنا كبير بكل

ثانيا من بداية الشهر الكريم لعند اليوم هضا وأنا منرقدش إلا ثلاث ساعات بالضبط فقط لا غير ومش عارفة شنو السبب

ثالثا مناكلش بكل وفي نفس الوقت منجوعش بكل بكل غير ناكل إرضاءاً للوالدة بس شن نديييييييييييييير حاسة روحي تعبانه من الموضوع هضا بكل

يعني نرقد من 6 بعد الفجر لعند الساعة 9 الصبح وبعدها نلقى روحي فاتحة عيوني أوتوماتيكيا يعني بدون ما حد يزعجني ولا شي

المطلوب: اللي يعرفلي حل انديره يسعفني بيه بس بدون هزوة الله الله لأن "الهازي مبتلى"

" اتق الله عز وجل ولا تحقرن من المعروف شيئا ولو أن تفرغ من دلوك في إناء المستسقي وإياك والمخيلة ! فإن الله تبارك وتعالى لا يحب المخيلة وإن امرؤ شتمك وعيرك بأمر يعلمه فيك ؛ فلا تعيره بأمر تعلمه فيه فيكون لك أجره وعليه إثمه ولا تشتمن أحدا " صححه الألباني في الصحيحة برقم 770

تحياتي للجميع وعافاكم الله

عندك ارق
طرق علاج الارق
علاج الارق بالطرق الطبيعية

قبل ان يهرع الانسان لشراء الادوية واخد مضادات الاكتئاب وغيرها من العقاقير المؤدية للانسان ينبغي ان يتبع بعض الطرق البسيطة التي يمكن ان تزيل حالة القلق وهي:
-ممارسة الرياضة اليومية لمدة ساعتين على الاقل.
-عدم تناول الاغذية الثقيلة مساءا.
-الاستحمام بالماء الدافىء قبل النوم.
-اخد كوب من الحليب الدافىء قبل النوم .
-يمكن اجراء تمارين الاسترخاء والتفكير العميق قبل النوم .
-عدم النوم في فترة الظهيرة.
-محاولة حل المشاكل الشخصية بشكل عقلاني.ان شاء الله يثمر فيك

مشكور بات النية واصلة شكرا علي مجهوداتك!!!!!!!!

طبعا حتى انا مش دكتور

لكن من خبرتيه البيسطه فى الحياه أنقولك !!!

اولا : انتِ والله اعلم ان روتينك اليومي متكرر يعني كل يوم نفس الروتين يعنى تبيلك تغيرت جو حاولي اتسافري او اذا كان عندك اخت او اخ او صديقه حولي تمشي عندهما يومين اتغير فيهما الجو ، يعني بالعربي غيري مكانك المشكله كلها فى تغير الجو والمكان .
ثانيا : انتِ ممكن يكون عندك مشكله معينه مش قادره تحكيها وتفكري فيها كل يوم ومش عارفه فاذا كان في مشكله حاولي تانسيه او احكي للحد تثقي فيه بيش اتنفسي عن نفسك اشويه .
ثالثا : واخر حاجه نصحك بها حاولي تطلعي واتماشي للسوق شارع البط الحدائق سوق الحوت اقل حاجه ساعه ساعتين يعني خالي الهواء يضربك شويه .

وفى حاجه اخر وهي الاهم طبعا الجانب الديني والروحاني بس منبيش نحكي عليه لان الباين عليك تقري فى قرآن ومحافظه على صلاتك . وبس خلاص وانشاء الله انكون افادتك ولو بحاجه بسيطه

بات أحكي عادي مش حنقول استهزاء لأني أكيد نقدر نميز بين الإستهزاء والجد ...........متديرش غيبة بس أنا متأكدة مش اللي في عقلك اطمئن

أهلاوي حسستني كأني نشحت هههههههه بس شكرا عالرد ليش اتكلف في روحك!!!!

منورة ازميرالدا بس النت تقريبا منقعدش عليه واجد للدرجة هذي والمنبهاات منشربش فيهن بكل من فترة مسيبتهن وعجبتني فكرة الحمام الدافي والكمون حسيت روحي زي البيبيهات هههههههه

لكن حنجربهن أكيد

أمير القمر شكرا عالرأي الجميل جدا والله فكرة حلوة فكرة عد الحيوانات ههههههه فكرة تقليدية جدا لكن حنجربها حتى هيا عموما أفكارك كلهن جديدة.... تسلم بارك الله فيك .......

مجهول مجهول مجهول شكرا عالرأي والمساعدة بس والله معندي فيش انفكر حياتي حلوة بكل ومتريحة واجد ونطلع مش معقبة جهد والهواء ديما يضرب فيا نين ركبني البرد هههههههه وصوتي راح فيها


شكرا للمدير ونورت صفحتي وأرآك كلهن صائبة ربي يفتح عليك "منورين"

شكرا للجميع وأسعدني مروركم العبق

تحياتي

لا ماشاء الله توا برنامجها عااااااادي ترقد وجوها تمام

والله حمادي مش بكاي نوعيته اتحطيه عالمخدة يرقد طول
وانا نوعيتي مش هدرازة في الليل يعني الفسس في الزهرة نفسها مش في الجو اللي يالاها

بارك الله في الموسوعة شكرا عالسؤال والله الحمد لله نرقد كويس بكل لدرجة الخمول وناكل لدرجة التخمة هههههه

تحياتي .........سحابة خليه يسأل ليش هكي بالعكس هوا مشغول عليا بس مش فضولي

الموضوع في رائي مش موضوع برد ولا حاجه

في سطوح في صدمه عصبيه وفيه رعشه فيه تفاصيل غايبه يعني الموضوع كبيـــــــــر ويحتاج تفسيررررررررررررررر

ونصحيه يازهرة قولي شن صار معاك بالضبط عشان انقولك الحل شنو ، وزي ما يقولوا اذا عرف السبب بطل العجب

والف لاباس عليك وانشاء الله فى قطوسه السحابه ولا فيك

الموضوع وما فيه اني ..........والا نقولك خلي السحابة تشرحلك احسن انا معنديش وسعة بال نبي حل وخلاص

مشكورين