ماهو جديد نكدها

بسمة الخميس سبتمبر 03, 2009 1:06 pm

ماهو جديد نكدها ......واخده علي سوق الرحيل وحدها ..........العين ياعرب

ماهوا جديد كدرها ..... من قبل تزعل وتاخد علي خاطرها ..... ولاهناك من جاها ولا عبرها.....تقعد تلاجي بالهموم وحدها
ديمة الشقا والهم مصدرها.......ابكاها علي الغارب اليوم هردها
عيني دعية وقتها جابرها........تحمل سواياهم طياح سعدها
مدكرتهم وماحد مدكرها ........ تستاهل شقاها بعد طول عنادها
تفاجت بلي حبها ونكرها ........ اللي قال مايزها ايام بعدها
اللي قال انصونها ونسترها........اليوم فارقها وزاد نكدها
اللي قال لو نفنا علي خاطرها....... بلا قول سيبها ومانشدها
وهي تو تدردر يهيم بحرها ........ ودمعها شمت بها حاسدها
شن زرها ع الصوب شن جابرها.....بعدكانت في هناء مسعدها
دبلت وبديت قاصرا فنضرها.......ماي حاسبة اللي ضرها مرودها
فلخفا تبكي علي غادرها ......... ودموعها جفن علي مرقدها
مع غيرها شبحت عزيز قهرها......كمدت مواجعها الشوق صهدها
تطلب المولا ربنايصبرها.......يبدل زهاها وصوبها يجددها
وتفرح وتنسا من كسر خاطرها ....وتعيش في هنا وتبعد علي حاسدها

ماهو جديد نكدها ......واخده علي سوق الرحيل وحدها ..........العين ياعرب

انشالله تعجبكم وهي اول مشاركاتي بعد الغيبه نستنى في رأيكم ياحلوين

EZMERALDA الخميس سبتمبر 03, 2009 1:29 pm

انا اول الواصلين بس انستي مع انك طولتي علينا

تطلب المولا ربنايصبرها.......يبدل زهاها وصوبها يجددها
وتفرح وتنسا من كسر خاطرها ....وتعيش في هنا وتبعد علي حاسدها

ماهو جديد نكدها ......واخده علي سوق الرحيل وحدها ..........العين ياعرب

ليش النكد وانت بسمة

اختيارحلو رغم الحزن واهلا بيك بعد الغيبة

زهرة الربيـع الجمعة سبتمبر 04, 2009 5:25 am

لا والله إلا جديد من سنة وتعالي جاي هههههههههه

منورة عالمشاركة

تحياتي

السحابه الجمعة سبتمبر 04, 2009 6:30 pm

تطلب المولا ربنايصبرها.......يبدل زهاها وصوبها يجددها
وتفرح وتنسا من كسر خاطرها ....وتعيش في هنا وتبعد علي حاسدها

حلوة منك يا بسمه
نورتي المنتدي

ahlawy الجمعة سبتمبر 04, 2009 11:32 pm

اللي قال انصونها ونسترها........اليوم فارقها وزاد نكدها
اللي قال لو نفنا علي خاطرها....... بلا قول سيبها ومانشدها

أهلاً بعودتك بسمة .. من وين جبتي هالكلام القوي .. تي وين كنتي بالضبط !!!!!