يــــا كامــــلة لأوصــــاف *** يومين والثالث أنطيح أريــــاف *** مريض بالغلا

يا كاملة الأوصاف ******** يومين والثالث أنطيح أرياف **
مريض بالغـــــــــلا
منهو كيفك ********* أدللي زيدي الدلال بكيـــــــــــــــــفك
اللي صورك يا بنت في توصيفك *** جميل ما خلق ربي عطاك أطـــياف
علي وين ما يلفى الليل بطـــيفك *** أنطيـح ما نوقــف بلا وقـــــــــــــاف
أغيابك أغيابي لو أغياب وليـفك *** لو أموالفة يظــهر عليك تـــــــــلاف
يظهر عليك الحب في تعــفيفـــك *** ع القوت باين في رعيش أطــراف
لا ما وقف دمعك معا تكفيـــــفك *** وأدموعك اللي سالن ما لقن كفـاف
أوصاف الغلا عندي معا تكتيفك *** مذبوح يرقـص م الوجــــــع ذراف
باين علي وجهي أصياف خريفك *** وأنتي خريفــــك مبعده منـــــــشاف
خمسين قدرت الربيع وصـــــيفك *** يجن كيفهن قبل الخريف أخـــلاف
يعاود ربيع العمر في تعطيـــــفك *** أنسبح بحمدالله أضعاف أضــــعاف
يعاود علي عقلي معا تـــــشريفك *** بعد قولة المجــنون والختــــــــراف
####################################

خايــــــلة بدلالك ***** كل ما خلق ربي جمال هــــــدالك
ما ريت كيفك كيف , كيف جمالك ** الله يحفظك ما الحسد والشــــواف
ما في النسا كــــــــــيفك وتدنـــــالك ** ورسمك علي وجه الزمان أغـلاف
لو كان جيتي في أوقات ممــــــــالك ** قيصر وكسرى وقت عيت مــناف
فأرض الجزيرة يرتفـــــع تمثـــــالك ** وتبقي ديــانة بس للأشــــــــراف
أوصافك عديدة ــــــكان عدينـــــــالك ** أجمل جميلة ما علـــيك أخــــلاف
والدور يسـافه غــــــلب جـــــــــدالك ** أغيوم الشفق فيهن اللي لصــــــاف
لا ///ماح متيمن يطــيح أشمـــــالك ** ع الطول متعدي هلب لأكـــــــتاف
وأمــــــزودة بأهذوب منهن هـــــالك ** مسكين من جنه أتقول أحــــــــذاف
صــــــواريخ منصوبة معا تجـــوالك ** إيهدن اللي واثق وطبعه جـــــــاف
يرقن أعزومه يرتـخي يبـــــــــــقالك ** أعويل أصغير تنهريه يخــــــــــاف
أعيونك عوادي كل من صـــــــــبالك ** يعدي شهيد الحب في لأعـــــــراف
متاريس ع الجبهة اللي شفنـــــــــالك ** علي خط متعدل علي لأهــــــداف
أحزامك علي طولك رسم معــــــدالك ** قسمهن بلا مقسوم فيه أنصــــــاف
ما عاد شـــــــاغلني إلا مــــــــــوالك ** لا أريــد غيــــرك لا أنديــر أولاف
سلام خاطري المجروح دزينـــــــالك ** زعم يشغلك ولا يموت أصـــــــياف
####################################
يا كاملة لأوصاف ***** يومين والثالث أنطيح أرياف
مريض بالغلا
القصيدة للشاعر الشعبي ونيس الخمسي ,,, أهداء لكل محبي الشعر الشعبي وكل من سأل عنا وتذكرنا ,,,,,,,
************************************************