سبحان من ساطيك ** وصور جمال الكون كله فيك ** أنتي و أنتي

من روائــــــع القصائد الشعبية للشاعر ونيس الخمسي ,,
مهداة لكل أعضاء المنتدى وكل محبي الشعر الشعبي وقد قيلت في سنة 1994 ف وأهداها
الشاعر إلى أحدى طالبات جامعة ؟؟؟؟؟ كلية ؟؟؟؟؟ في حفل التخرج من نفس السنة
***********************************************

سبحان من ساطيــــك **** وصور جمال الكون كله فيــــــــك
**** أنتي و أنتي ****
علَى شانك ************ كيف الملاك أمصورك بألوانـــــــــــك
ونا أنقولك يا عوينهم حبانــــك ** اللي يعرفك ديما تفاخر بيـــــــــــك
يا مقصدي يلي عظيم مكانــــك ** متربعة ع العرش ديما ليـــــــــــــك
كي الشمس طلاتك بصولجانك ** وتاج ألأمارة ربنا عاطيــــــــــــــــك
وملوك الممالك يقصدو بيبانـك ** كراديس قدامك وبين أيديـــــــــــــك
تحني عليهم يدخلو ديوانــــــك ** يحيوك يدعولك الله يخليـــــــــــــــك
أنتي وكنتي والزمان زمانـــــك ** الله يحفظك يا بنت وينجيـــــــــــــك
التاريخ سجلهن أوصافك صانك ** الفين صفحة مالأشعار عليـــــــــك
من أيام ذو القرنين لا ما هانك ** لو ما أنشغل بالسد كان يجيـــــــــك
وقارون بكنوزه يريد أحسانــك ** بنظرة بدل كان البدل يرضيــــــــــك
حتى علي الهدهد أصعب عنوانك ** بلقيس لا كيفك ولا تساويـــــــــك
وقيصر وكسرى يخدموك أعوانك ** وياما أشهق فرعون في طاريـك
وأبن الملوح لو دخل وديانـــــــك ** وأحذاك ليلى يقولك نبيـــــــــــــك
لو كان عنتر عبس غزا في أوطانك ** أن ياخذك بالغصب من ولديـك
وطارق أحتل أسبانيا في شانـــــــك ** يريد شي صدفه بها يرعيــــــك
جنكيز خان وأعياله يجو رعيانـــك ** وسياس خيلك من المماليــــــــك
وبوزيد الهلالي رصد بنيانــــــــــك ** أنتي زين برقه والعلم ثاريــــــك
وهتلر أنسي أيفا يريد حنانـــــــــك ** يبكي أحذاك يقولك غاويــــــــــك
*************************************************************
الله حنون ************ اللي خالقك يابنت في هالكون
نادر جمالك ريت فيك أعيون ** يرزن عوادي وصفهن ها ذيك
رواجم خطيرة عابرات الكون ** يطــالن اللي محال ما يغابيك
أنعزك علي عزك اللي مصيون ** محال ياعمري أنقولك ناسيك
أنتي وأنتي كنتي الغلا ويكون ** أمغير حني علينا ربنا يهديك

الله حنون ************ اللي خالقك يابنت في هالكون
نادر جمالك ريت فيك أعيون ** يرزن عوادي وصفهن ها ذيك
رواجم خطيرة عابرات الكون ** يطــالن اللي محال ما يغابيك
أنعزك علي عزك اللي مصيون ** محال ياعمري أنقولك ناسيك
أنتي وأنتي كنتي الغلا ويكون ** أمغير حني علينا ربنا يهديك

الله عليك .. قويه وفي قوه روائع الوصف..خياليه وحلوه مشكور على اختياراتك الحلوه ..

امنور ياحجاج على الاختيارات الرائعة ..تحياتي .

مشكور ياحجاج حلوة بكل منك واحنا بإنتظار الأحلى