أنتظار الرد

الحجاج الأحد مايو 24, 2009 12:02 am

[center][justify]
كنت نرجى في جوابك جاني *** جايب خبر ما كان في حسباني
جاني جوابك *************** تبي فراقي ما كنت شي نحسابك
ليش يا عزيز اليوم تقفل بابـــك
ونقعد بروحي في جفاك أنعــاني
ياما وراك أشقيت وأشقينابـــك ** تجيني علي غفلة أتقول أنســاني
وتفتح علي أبواب شين عذابك ** الياس والجفا والموح ما هنانــي
وسمور ليلي والرجا وأعطابك ** وجرح الغلا منك سكن جـوانــــي
ولو كاني من قبل قريت أكتابك ** وعديت نقص ما جفاك كـوانــــي
هدية خاصة لكل من تعرض لمثل هذا الموقف (( هذه القصيدة للشاعر الشعبي ونيس الخمسي )) مع تحيات الحجاج لكل مجروح من الغلا والحب
ووينك يا أمير برقى ؟؟؟ هدرز هي هات ما عندك

أمير برقى الأحد مايو 24, 2009 1:21 am

وينك يا أمير برقى هدرز هي هات ماعندك

امنابشه هذي يا حجاج وانت سيد العارفين ان الشعر هيل وكيل

وانا بكرا امسافر الى بنغازي وعندي شغل واجد يعني

الايام هذي وسع بالك عليا لين نفضالك وبعدها حاضر

اعيوني لك وتو انهدرزلك هدرزا مش علي لطلق بكل

king

زهرة الربيـع الأحد مايو 24, 2009 3:32 am

نبكي علي حالي حزين ابكايا *** لا اقدرت نهدا ولا ايتم عزايا
حـــــــــالي كــــــــــابي ..... حال منطرح زايد امعاه عذابي
لاني عليـــه انلوم لاني عـــابي ..... حال منتهي شايل كثير سوايا
عنده اهموم الشارقين مصابي ..... وعنده خطا سدّن عليه روايا
وعنده ادموع اتقول سيل شرابي ..... خلّن اعيونه راقدات مطايا
وعنده اعقيـــله حي ماهو عـابي ..... لكن ايعاني من سريب خبايا
وقلـــبه امقــطع صلّبه صـــلاّبي ..... يرغب خلاصة ومالقيش نهايه

تحياتي

السحابه الأحد مايو 24, 2009 3:48 pm

ياما وراك أشقيت وأشقينابـــك ** تجيني علي غفلة أتقول أنســاني
وتفتح علي أبواب شين عذابك ** الياس والجفا والموح ما هنانــي

وعنده ادموع اتقول سيل شرابي ..... خلّن اعيونه راقدات مطايا
وعنده اعقيـــله حي ماهو عـابي ..... لكن ايعاني من سريب خبايا

كلام حلو ورد أحلي منورين كلكم