يابحر فيني من الحزن كثر مافيك!

EZMERALDA السبت مايو 16, 2009 11:42 am

يابحر .. فيني من الحزن .. كثر مافيك ..
من حزن .. وأوجاع .. وغياب .. وغرايب ..!!

لا تلومني إليا شفتني .. دايم أجيك..
ولا شفتني دايم .. على الشط .. ذايب ..!!

حزني كبير .. أكبر من حدود .. شاطيك..
وأقسى من جروح الزمان .. العطايب..!!

وإن كان تنشدني فأنا .. مقدر أخفيك..
دايم أظن .. ويطلع .. الظن .. خايب..!!

في هالزمان .. أقرب حبايبك .. يشقيك..
إلين تدفع في غلاه .. الضرايب..!!

من بعد هذا .. يبتعد .. عنك .. ويجفيك..
ماكنه .. بجنبك .. قضى الوقت .. طايب..!!

وإلا .. الخوي اللي توقعت .. يفديك..
يفديك عمره .. لا غدت بك .. نشايب..!!

صد .. وتصدد.. مايبي .. سمع .. طاريك..
وياما .. أنت .. دونه .. أتعبتك .. الطلايب ..!!

لا تقول لي .. بدري .. وتوك .. ويمديك..
وتعال .. واسمع باقي الهرج .. صايب..!!

خلك بحالك .. واطلب الرب .. يهديك..
ولا تنشد اللي غاب .. وين أنت .. غايب..؟؟

وإن شفتني غايب .. عن حدود .. شاطيك..
أعرف تراني .. تحت .. ذيك .. النصايب..!!

وأعرف تراني .. دايم إن ضقت .. باجيك..
لاني .. انا .. والموج .. صرنا .. حبايب..!!