كلمات من تأليفي ---- داير روحي انقول في شعر

عارف واعره مافهمتش شي

نحنا نحنا ** نظال وجهاد وارواحنا طوحنا
**فراحتا ضنا شعوان**
ركابة اظهور الخيل ** كسابة اللي شعنان والقنتيل
سراجة اكحيله بزارة البو كمبيل

فزاعتك ياوطن يوم جاك دخيل

لاخفنا عدو ولااعلامنا نكسنا


*************************************************

( , وين وين وين ماشي يا أمير برقى شنة هضه ,,, كلام كبير ,,, ( شعنان )

بزار ,,,, كمبيل وينك يا أحمد النويري لكن عموماً أختيار موفق جداً وقد احلنا الموضوع للشاعر الشعبي ونيس الخمسي والشاعر الشعبي هاني بوعجيللة للأختصاص ,, والرد

مع تقديرنا واحترامنا لأمير برقى

**********************

احم احم
امنورين والله وشكرا علي الدعم المركزي آ آ قصدي الدعم المعنوي
و توا انترجملكم الكلام:-
فراحتا : اسم عائلتنا جايه من اسم الجد الرابع(فرحات).
شعوان:اسم البيت ابتاعنا في القبيله زي *مغربي* لعيت *الاطيوش*.
الشعنان والقنتيل : اسماء تطلق علي الحصان واكيد موش اي حصان.
البزَار : بتشديد حرف الزاي هو اللي ايربي في الطير الحر.
البو كمبيل : احد انواع الصقور.
***********************
اما اللهجه يا سحابه اكيد ماهيش لهجه سودانيه اصلي من المنطقه الغربيه
ولهجتي من بنغازي انولدت وعشت فيها لكن متأثر واجد بشعر وشعراء الشرق
زي (مراد البرعصي -عبد الكافي-محمد بوسته-عبدالسلام الحر) مع اني حتى انا في كلام واجد ايقولوا فيه
مانفهمش لين نسأل والمره الجايه بعد اندير روحي انقول في شعر
تو انحاول انخلي الكلام ساهل.
************
خويا الحجاج :انا سعيد ان الكلام اعجبك و(منو احمد النويري !!!!!!؟)

والله مافهمت حاجه
هذا عربي وإلا لغه اخرى؟؟

بعدين حسيته مش شعر
كلام مطرطش.. سمحنى فالكلمه
مش عارفه هذا راى

وبعدين معقولة ما تعرفش أحمد النويري ,, ؟؟؟ (( أحـــمـــد الـــنـــويــــري ,,, يـاااااااااا راجــــــــــــل )) .
(( قال صاحب العقل )) .
بس ع العموم القصيدة جميلة
(( وقال قائل من نفس البيت الذي أشرت إليه وأعتقد من نفس المكان ))
(((( نا جدي سالم فرحات ** اللي في المرقب مستشهد )))))
((( مكانا في روس الدفات ** أحذا جد القائد راقــــــــد )))))
((( ولد شعوان علي بات ** الراي علي ساعات الجد )))))
(((( نهار وجنهم غزايات ** بوارج روما مالا حــــــد )))))
((((علي راس المرقب رايات ** العزة والتاريخ شهد )))))
(((( أنهم هك أصحاب الفزعات ** أدماهم دون عقار الجد )))
وللقصيدة بقية أ، وجدتها فأنقلها إلينا ولك جزيل الشكر ومننننننننووووووورررررررر

هلبـــة علبـــة هلبــــة