لو انك خييرت ؟؟؟؟ ( ارجوا الاجابة )

كيف اغير اسمي الذي تربيت بيه كيف اغير اسمي الذي سماه لي ابوي كيف اغير اسمي الذي نادوني به كل من احب

كيف اغير اسمي الذي اخذت به كل شهادتي وكل تاريخي

لا خير في شخص يغير ماكتبه له اباه

والله تمام انت هكي مية مية شن تبي خير من اسمك ...

مستحيل انغير اسمى ياشاطر لانه جزء من شخصيتى ومن كيانى واكيد حبيته من ارتباطى به العمر كله تحياتى وشكرا لانك خليتنى انحب اسمى اكثر

تعرفوا انا نبي نقول نغير اسمي بس بعد ما لقيتكم قلتوا لا


مضني الا نغير إجابتي

لاني منحبش نكون عكس الناس بجد

امممممممم ..اهم شي الاسم الى سمونا بيه اهلنا منذو الولاده . . لانه بيه تعلمت وكبرت ووقعد لاسمك شان وسمعه بالعكس انا فخوره باسمي . ... وتعليق على زهره الربيع .. ماعمرك ماتديري شي انتى مش مقتنعه بيه لكن ارضاء للناس لو انتى خاطرك تغيري اسمك بالعكس هدى شجاعه منك انك واثقه من ايجابتك . ..يعنى الواحد مايكونش مع الناس على حساب قراراته واحلامه .. بس اكيد اسمك حلو ولو مش حلو انتى محليتيه .. وشكرا

مهما صار لان اغير اسمى الذى سمانى بيه جدى والى عرفونه بيه اصحابى واحبابى
واسمى غير الاسماء التانية فهو احمدشوقى فهو اسم امير الشعراء المصرى احمد شوقى

انتو كنكم درتوها دراما كل واحد ايقول اسمي .. وجدي .. وباتي .. واحبابي مفيش حد عندا رد مختلف وارجوا ان محد يرتبط بالاخرين كل واحد يبدي برأية وانراهن على ان لازم كل واحد معجب بأسم غير اسمة غير شوية طروح .

اممممم اكيده في اسماء حلوه في بالى لكن مش حنسمي روحى بيهم حندسهم في عقلي لين نسميهم لعيالى مستقبلا ...

سموني اهلي و بالذات بابا اسمي الذي عرفتموني بة وهو كما يقال لي على اسم ملكة الاردن ( حسب اعتقادي ) ولكن من وجهه نظري لم اجد لة معنى يريحني ولهذا لو خييرت كما طرحت اخي العزيز لغيرت اسمي فعلا بسم عربي ذو معنى قوي ...

ينصر دينك يا استاذ نفيسة

امم اكيد لأ لأنا اسمي مميز وعلي اسمي حنتي

منور شاطر حسن علي الموضوع

قال تعالى (إِنْ هِيَ إِلَّا أَسْمَاء سَمَّيْتُمُوهَا أَنتُمْ وَآبَاؤُكُم مَّا أَنزَلَ اللَّهُ بِهَا مِن سُلْطَانٍ)

و قال الشاعر :
كن ابن من شئت واكتسب أدبا ...يغنيك محموده عن النسب
إن الفتى من يقول ها أنذا ...ليس الفتى من يقول كان أبي

المقصود بهذا أن الانسان بأدبه وعلمه و حسن معاملته للناس يرتقي، و ليس بأسمه أو بأسم أبويه أو عشيرته فقد تجد إنساناً أسمه أمراجع و إلا سدينا هو أفضل عند الله من الذي أسمه محمد أو فاطمة ...

و شكراً

......ههههههههههههههههههههه سدينة هههههههههههههههههههههههههه لا نفيسة ولا مرعية هههه
المهم ...
يعني انت ضد الفكة من اصلها ..
باهي لو لو اقيمت هذة الفكرة فهل تغير ام لا ؟؟؟؟

والله الراجل ما قال حاجه غلط... قال لو خييرت....وانا معاكم ان الاسم الاصلي مهم و هوا الاساس..بس راكم تنسوا انكم ماتندرو علي شي لما سموكم...
اما بنسبه ليا انا ......عندي كم اسم مش اسم واحد..سيف-سفيان-معاويه-عبدالرحمن....!!!!

بالنسبه ليا راضية تمام الرضا والحمد الله أهم حاجه يكون للاسم معنى...