الامتحان النهائي في مادة الشعر الشعبي

الاطيوش كتب:

الجماهيرية العربية الليبية الشعبية الإشتراكية العظمى
جامعة منتدى sloma
قسم :الشعر
امتحان نهائي في مادة الشعر الشعبي..؛
جاوب على كل الفقرات اجباري
الوقت : خود وقتك بس حل صح

السؤال الأول :
أ‌- العين : كيف غـواليك نسيوك...؟؟ مـريضه في حاله خــلوك..؟؟
... طاحت عليهم بلوكه فقدو الذاكره .. مش مريضه واخده شويه برد..ههههههه
ب- ماذا لو اقــــدم ولـــــولك...؟؟ وأعـذار جفاهم شـرحولك..؟؟
لا يوجد قدم ... ..مافيش اعذار مع المافيا ههههههههه
ج- أذكرلي بالشـــــرح وفسر...؟؟ ليش عـزيز معاي امقصر..؟؟
الشرح ..عزيز مقصر عنده عرس ولد عمه حايس فيه ههههههههه
د- جاوبني وبكل صــــراحه...؟؟ بفرقــــــاهم تشعر بالراحه..؟؟
الشعور بالراحه يتم بتواجد الاهل والاحباب والاصحاب جانبك ...
هـ- هــل وكيف عـزيز تـركنا...؟؟ بتعليل أراءك شـــــــاركنا..؟؟
تركنا بسبب واخده منه البشكليطه بتاعه وفلقت عجلتها ..ههههه
و-ماذا تفعل ..ترضى بهن الاقسام ولا تزعل ..كان هو جفاك عزيز..ماذا تفعل؟
ناكل سنكرز ونسكت ..هههههههههه

السؤال الثاني : يقول الشاعر :
يــــلي خــــــــــطرت علينا .. ويلي فنـــص الــــدرب راخي بينا .. شن خطرك
شن خطرك تذكـــــــــــــــــــــــــــــرنا.. شـــــــن هــــو اللي بــالله فيكم درنا
نبشتو جروح الموجعة وجضــــــــرنا ... بــــعد مــا رضـيت بحكم جار علينا
وبعد القناعه و ع الغلا كـــــــــــابـرنا ... وتركنا المــــــــــاضي خلفنا ونسينا
ترجع فساعة زهونا تكدرنــــــــــــــــا ... ونيران يــــــــــاس اكبار تشعل فينا
وبعد بالاقسام الخافيه أعذرنــــــــــــــا ... تنقض خيــــــــوط الجرح وين برينا
شن بينا صـاير ..؟ ترا خـــــــــــــبرنا ..؟ وشـــن هـو خطـاي معاك يا جافينا
ساولتك برب الكــون ما تكفــــــــــــرنا ... وســوال بالـحبيب المصطفى ونبينا
خطا القلب ما تخــطر علي خاطــــرنا ... ولا فــــــــــخير لافي شر ماتطرينا
كريم ربنا يمهل ومـــــــــــــــا يهــملنا ... ولنـا قــسم كيف الناس مخـــفي لينا

أ‌- إستخرج مــن بين الأبيات...؟ خبر وماضي وذكــرايات...؟؟
خبر ابيض ومنيل... وذكريات الطفوله ..
ب- اعــــربلي مــاتحت الخط...؟ وتفسيره وضـــــــح بنقط ...؟؟
مضاف ومضاف اليه مفعول بغوالينا .. تفسيره بالنقط:
1.من الكساد
2.. والصقع
ج- عرف ما معنى اليـــاسات...؟ اللي ع الشــــاعر ملتمات...؟؟
الياسات = زواق ........ ملتمات = لمة صبايا
د- الشــاعر فاعل أم مـــفعول...؟ وفي رأيك من هو المسـؤل...؟؟
الشاعر مجرور بالحصبه الاستوائيه ... المسؤولاللجان في كل مكان
هـ- استخرج من خان المشوار...؟ وهات المجرور من الجار...؟؟
الى خان المشوار ..صاحب التنك... والمجرور جار عليه الزمان

السؤال الثالث (علل ) :
1- علل ليش مــــرادك خانك ..؟؟ لا وفـــا وعوده لاصانك ..؟؟
منو مراد .. ههههههههههه منو وفا هذى هههههههههه
2- علل ليش عــــــزيز جفانا ..؟؟ في حــــــالة شينة خـلانا ..؟؟
جفانا من الجفاف .. حط كريمه حاله شينه في العجاج ..
3- علل ليش اعــــزاز توارو ..؟؟ نسيو يـــامـــا فـينا دارو ..؟؟
اعزاز توارو متسلفين منى 5 جنيه مش نسو مو طاحت عليهم بلوكه زى ماقلتلكم في الاول
4- علل ليش البخت عـــطيب ..؟؟ تـلاقن ياس وخلوة جيب ..؟؟
بسبب هطول الامطار الاستوائيه .. تلاقو في دكان الكنادر
5- علل ليش اقدم ع الــخاطر ..؟؟ هفو نين الدمع تقــــاطر ..؟؟
بسبب التنك .. الدمع تقاطر لان قشرو بصل

السؤال الرابع ( اختار مابين الأقواس ) :
1- إختاري مابين القوسين ( جدد / ولا ناس قديمين ) ..؟
هما الاربعه ههههههههه
2- أختر مابين الأقــــواس ( عزيز خانك / ولا وسواس ) ..؟
وسواس عشان نقول اعوذ بالله من الشيطان الرجيم
3- ما بين الأقواس اختار ( جضر وارياف / وموح ونار ) ..؟
.................................... ممكن يا استاد حذف اجابتين
4- إختاري مابين القوسين ( محاسد / ولا نقارين ) ..؟
محاسد .. عشان نقولولهم خممسسه وخميسه وعين لحاسود فيه مسمار هههه
5- مابين الأقواس ترا أختر ( بخت عطيب / وحظ معتر ) ...؟
طلعت حجاب وخدو منى الورقه ما طقيتش نجاوب هههههههههههههههههه


**إنتهت الأسئلة**
تمنياتي للجميع بالتوفيق والنجاح
أستاذ المادة " الاطيوش"
منقووول

الاطيوش كتب:

الجماهيرية العربية الليبية الشعبية الإشتراكية العظمى
جامعة منتدى sloma
قسم :الشعر
امتحان نهائي في مادة الشعر الشعبي..؛
جاوب على كل الفقرات اجباري
الوقت : خود وقتك بس حل صح

السؤال الأول :
أ‌- العين : كيف غـواليك نسيوك...؟؟ مـريضه في حاله خــلوك..؟؟
انساهم اللي نسيوك*** واشقى بكبر نيران غيرهم!!

ب- ماذا لو اقــــدم ولـــــولك...؟؟ وأعـذار جفاهم شـرحولك..؟؟
ماتقول ناسية وغفلت***هفوها قديمن عاودت

ج- أذكرلي بالشـــــرح وفسر...؟؟ ليش عـزيز معاي امقصر..؟؟
اعزاز مالكين العقل ***ينساهم منامه ايجيبهم

د- جاوبني وبكل صــــراحه...؟؟ بفرقــــــاهم تشعر بالراحه..؟؟
الله لايجيب نهار اعزاز***فيه يبقوالغيرنا

هـ- هــل وكيف عـزيز تـركنا...؟؟ بتعليل أراءك شـــــــاركنا..؟؟
سوايا عزيز كبار ننساهن ***يجيني بغيرهن

و-ماذا تفعل ..ترضى بهن الاقسام ولا تزعل ..كان هو جفاك عزيز..ماذا تفعل؟
تلذيع القديم أقهرك ***ان درتي جديد يا عين شاوري


السؤال الثاني : يقول الشاعر :
يــــلي خــــــــــطرت علينا .. ويلي فنـــص الــــدرب راخي بينا .. شن خطرك
شن خطرك تذكـــــــــــــــــــــــــــــرنا.. شـــــــن هــــو اللي بــالله فيكم درنا
نبشتو جروح الموجعة وجضــــــــرنا ... بــــعد مــا رضـيت بحكم جار علينا
وبعد القناعه و ع الغلا كـــــــــــابـرنا ... وتركنا المــــــــــاضي خلفنا ونسينا
ترجع فساعة زهونا تكدرنــــــــــــــــا ... ونيران يــــــــــاس اكبار تشعل فينا
وبعد بالاقسام الخافيه أعذرنــــــــــــــا ... تنقض خيــــــــوط الجرح وين برينا
شن بينا صـاير ..؟ ترا خـــــــــــــبرنا ..؟ وشـــن هـو خطـاي معاك يا جافينا
ساولتك برب الكــون ما تكفــــــــــــرنا ... وســوال بالـحبيب المصطفى ونبينا
خطا القلب ما تخــطر علي خاطــــرنا ... ولا فــــــــــخير لافي شر ماتطرينا
كريم ربنا يمهل ومـــــــــــــــا يهــملنا ... ولنـا قــسم كيف الناس مخـــفي لينا

أ‌- إستخرج مــن بين الأبيات...؟ خبر وماضي وذكــرايات...؟؟
زعما يا عزيز اتصير ***نخطر عليك وتحوس حوستي

ب- اعــــربلي مــاتحت الخط...؟ وتفسيره وضـــــــح بنقط ...؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ج- عرف ما معنى اليـــاسات...؟ اللي ع الشــــاعر ملتمات...؟؟
زعما يا ايام الياس*** انتن معاى قيس ايش طولكن!!!

د- الشــاعر فاعل أم مـــفعول...؟ وفي رأيك من هو المسـؤل...؟؟
عزيز قلتله واندمـــــــت ***انساني نسيني وماانتســــــــــــــى

هـ- استخرج من خان المشوار...؟ وهات المجرور من الجار...؟؟
يزاين بها للناس ***عزيز خان ياريتا سكت

السؤال الثالث (علل ) :
1- علل ليش مــــرادك خانك ..؟؟ لا وفـــا وعوده لاصانك ..؟؟
عالخونة عطانى عهد*** ماايديرها عزيز ودارها

2- علل ليش عــــــزيز جفانا ..؟؟ في حــــــالة شينة خـلانا ..؟؟
نحساب القديم قديم ... القيته جديد مازال جرحهم

3- علل ليش اعــــزاز توارو ..؟؟ نسيو يـــامـــا فـينا دارو ..؟؟
عقبتو وراكم جرح*** ردو عليه داووه واربحو

4- علل ليش البخت عـــطيب ..؟؟ تـلاقن ياس وخلوة جيب ..؟؟
ماعندي بيش انواسيكن ***خلو الدار وخلو ايديكن

5- علل ليش اقدم ع الــخاطر ..؟؟ هفو نين الدمع تقــــاطر ..؟؟
يالقديم معاهن كنك *** يبكن فيت عليك ومنك


السؤال الرابع ( اختار مابين الأقواس ) :
1- إختاري مابين القوسين ( جدد / ولا ناس قديمين ) ..؟
كاره مداعى الصوب.......... لانريد قديمين لاجدد

2- أختر مابين الأقــــواس ( عزيز خانك / ولا وسواس ) ..؟
خانو بلا سيات *** اعزاز قبل كانوا ينشدوا

3- ما بين الأقواس اختار ( جضر وارياف / وموح ونار ) ..؟
في روحي النار انحمل *** عطيت عهد يوم كبرها

4- إختاري مابين القوسين ( محاسد / ولا نقارين ) ..؟
حساد تابعين غلاي*** قصوا جرايره نين حوددن

5- مابين الأقواس ترا أختر ( بخت عطيب / وحظ معتر ) ...؟
نلقط في بختي بالحبه *** رد عليه الياس و كبه

**إنتهت الأسئلة**
تمنياتي للجميع بالتوفيق والنجاح
أستاذ المادة " الاطيوش"
ياربي ننجح بس!!!!!!!