ملحمة لميس الصقع ....كلمات الشاعر الجالي غريب

نبذا عن الجالي غريب:هو شاعر شعبي عباسي
وين ما بكت لميس * ثارن مشاعر في وآحاسيس
بكيت امعاها
بكيت امعاها
وفكرت واجد في اسباب شقاها
وزعلت من يحيى بعد خلاها * عدا خطب الاخرى وصار عريس
قدام حوشا واقفا بعزاها * وهموم دنيا امكدسا تكديس
ويل خوها وامها وخطاها * ولوعة امعا نظرة غلا تخنيس
بكت ملتاعا
موح وجفا يحيى وقلب اطباعا
لو رام تجفى ولوجفت يداعا * ياس الغلا تيم اوليد ابليس
فنان في السيا امعاه جماعا * انذال كيفا تبعوا الخسيس
بكا اعيون الخايلا بوداعا * ولوعة غلا عدا بسوم رخيص
بكت مزرورا
ميل بختها والياس واخذ دورا
علي بوه من بكا اعيون الحورا * علي الله شي حلقه ايموت فطيس
وما عاد تبقي ع الجفا مجبورا * اعلام الغلا ترقى بعد تنكيس
الياس قهرها
الياس عكر صفوها كدرها
اعيون اللي ع الوطا صورها * ملكة جمال الكون كان اتقيس
ولوكان نمشي لتركيا وننظرها * ماعاد نبي م النسا تمسيس
نبني احداها حوش ونجاورها * احدا شمس يكفيني ابها تشميس
لازعل لاحزن لانخسرها * ولا انكون تركش ولا انكون قريس
ليبي ولد ليبي انعوم بحرها * معروف في التاما وفي الحليس
واجد موشيا
نهار وليل بالدمعا السخيا
يا مولاي ياعالم النيا * يفرح زول من عايش تعيس
وغلا القديم نا هون عليا * هان غلاي عدا في القيس
ايام ونا ذرعاني فتيا * اتزغرت كان جينا م الوطيس
امعاي ارجال م العظمى الوفيا * يوم الدي ما اتولي تريس
بهاون قصف في وقت العشيا * انغيروا ليل في ساعة دميس
قضينا اسنين شايلين القضيا * كيف انويظا مطلبنا نفيس
وجرول حر وكل حر زيا * بRBGسيدك يا قنيص
الانا تو بعويلا و وليا * ولا ما ايكيد كان وسوس ابليس
...................
اول مره تنشر القصيده كامله بهذا الشكل
عطوني رايكم فيها يا هههههههههههو
ولكم حقوق المشاركه في هذه الملحمه
الجالي غريب