شعر عن اعداد الطب !!!

احنى جماعة الطبيـــات ل A وB مقســـــميــــــــــــــن
انجو فى عزّ النــــــــــّو وفى كلّ الكليّات مشرتعــــيــن
اتعال شوف حالنــــــــا فــــى الفيزيـــــــــــــــاء A25
شورى الشعب الليبــى من كلّ مكــــان جاييـــــــــــــن
عدّ واحد اثنيـــــــــــــن لــين توصل للخمســــيــــــــــن
آهو نشرحلك حالنـــــا منظرنا يسخّف مســـــاكيـــــــن
بتيّارات حمل هـــــــوا طبيعي متكيـــّــفيــــــــــــــــــــن
نقطّروا ميّـــــــــــــــــه خاشين في بعضنا متراصيـــــن
ناس في مدرجـــــــات مكيّفات( LG) متكيـــــفيــــن
وناس قريب يموتـــوا تقول في الصحـــــراء قاعديــن
لأنّ الشرح مليــــــــح لقينا ضـــــيوف جايـــــــــــــــين
والعقل يقعد يفكـــر وين الدكاتـــــرة الثانييــــــــن؟!

أوّل حاجه الحجــــز تقول على شفرة البيانا واقفيـــن
لازم تجي بكــــــرى وإلا تكون آخــــر المتسابقيــــــن
توقف تستنّى عالباب لين يحنـــّوا عليك المشرفيــــن
والساعه 5 إلا عشرة والإشــــراف واقفيــــــــــــــــــن
يسالو عن البطـــــاقة ويـــــــن البطــــاقة ويـــــــن ؟؟
ولين يفتحوا البــــاب تشوف سبـــــاق و متسابقيـــن
وما نوصلوا الدور الثالث لين نكونوا داهشـــــيـــــــــــــن
نلقوا القاعة معبيّة والمقاعد محجــــــوزيـــــــــــــن
وتشوف المجموعات الثانية في الأول مقعــــــمــزيـــــــــــن
تقول احنى الضيوف وهمّا المضــيــــــفيـــــــــــــن!!
والجوّ ضغط ورطوبة وحرارة قريب توصل الخمسين
ونحلف مايحسّ بينا حّد إلااللّى معانا موجوديـــــــــــن


لولا رحمة ربـــــــــــى لكنا ميتيـــــــــــــــــــــــــــــــن
هذا حالنا يسخـــّــــــف نلقوا ثوابه يـــوم الدّيــــــــــن
نلقوا الأستاذة خاشـــة وفى الشــــــرح باديـــــــــــــن
تبّى توصل لكرســــيك تقـــــول بتمشى الصـــــــين!!
حواجز ومطبـــــــــّات والطريق مســــــــكريــــــــــن
والكراسى دافينـــــهم وفى السبورة لاصـــقــــــــــين
ولما يطلعوتلقى القاعة فوضى والكراسى مقلوبيـــن
هذه هى قّّّّصتـــــــــــنا مــــــــين يسمعنا مـــــــين ؟؟!
شكـــــــــينا كثير كثير وما لقينا منـــــصتـــــــــــــــين!
قلنا نديروا شعـــــــــــــــر عسى صوتنا يديـــر رنيـــــن
عسى يكون فى الأمة خير وفيه ناس طيبيــــــــــــــــــن

حاجه ثانية وين تصلى ؟ حتى المصلّى مسكرين
يا إمّا جيب معــــــــــاك ولا برّ دوّر ويــــــــن !
وكم مرة نمشوا العلوم ونرجعوا متأخريــــــن
يا ربي توصل كلمتنــا ونكونوا مهذبيــــــــــن
تقول القراية مقطعه بعضها فى الليل مقعمـــــــــزين
حتىأينشتاين وأديسون فى الليل راقديـــــــــــن
وما نوصلوا الحوش لين نكونوا دايخيـــــــن
وبعدهذا كلـــــــــــــه احنى راضييـــــــــــــــن
بـــــــاش نــــــــآخذو ثوابه من رب العالمين
شورى قاعة واسعة علينا مستخســــــــرين!
ماهو القاعة صغيرة والكراسى مكسريـــــن
ومكيفات تحت الرواشن للقاعه مزيّنيــــــــــــين
ومشكلة المدرجــــات فى الإضاءة منقصين!
قعمز بعد الثالث تشوف ضباب وسحب عالسبورة متجمعين

وأخيرا.. كلمتنا للطبيّات كونوا متفائلــــــــــــــــــــــــين
نبّوا الهمّة العــــــــالية وأمل المبدعـــــــــــــــــــــــين
ما نبّوا الدوّة الفاضيـة وكلام المحبطــــــــــــــــــــــين
إنتو أمل الأمـــّــــــــــة وعزّ المســــــــــلميـــــــــــــــن
وياربّى تكونوا كلّـــكم يارّبـــى ناجحــــــــــــــــــــــين

وكلّ من يسمعنا يدعمنا يقول آمين