كل واحد يشكر العضو اللي قبله

قطة رزينه وعاقلة جدا واحترمها جدا

طبعا اي رأي حنقوله حيكون نابع من شخصيه الشخص بالمنتدى يعنى الزهرة عن طريق اللى شفته بشخصيتها فى المنتدى مش من الواقع لان بسلامتها مانعرفهش ونحن كلنا كونا انطباعات كثيرة عن الاشخاص من خلال مشاركاتهم وبالاكثر والاخص ردودهم.
_ اول حاجه لفتتنى فيها تحكى عالدين واجد وبطريقه كويسه ماعندي مانقول فيها يعنى اول انطباع ناخذوها عليها انها متدينه وملتزمه
_لكن مرات تصدمنى من بعض ردودها لو مايعجبهش موضوع ترد عليه بطريقه قويه ومستفزة لكاتب الموضوع يعنى فى احد ردودها انها قالت من اول ماقريت العنوان ماعجبنيش وماحبتش نرد باهى ليش دخلتى من الاول كنتى اكتفيتى بالقراءه وسكرتى الموضوع؟؟؟؟؟؟؟؟؟
مااكثر المواضيع اللى ماتعجبنيش شخصيا لكن مانردش على موضوع مافيش داعى نحرج صاحبه / أو يلفتنى رد لكى اخر انك تعلقى على الموضوع بانه ماعجبكش اومافهمتيش اواراء اخرى مستفزة ومحرجه.انتى يازهرة لومتدينه صح مفروض تكون ردودك لبقه اكثر(ومانبيكش تزعلى من صراحتى
لانك قلتى فى بدايه اللعبه نقولو رأينا بكل صراحه)
_ خوذيها منى نصيحه اخويه تكون ردودك مسالمه وحلوة ولبقه فى حاله عجبك الموضوع وفى حاله ماعجبكش ماترديش بكل ونتجنبي التعليقات اللى تجرح العضو اللى مشارك بالموضوع.وانا والله احد الاشخاص شكالى من ردك عليه باحدى المواضيع هذا اللى خلانى نفطن لردودك ،هو كان بإمكانه يرد عليك فى نفس الوقت لكن مابش واكتفى برأي باقى الاعضاء اللى شكرو الموضوع وبعد دققت فى الردود لاحظت ردودك على بعض المواضيع فيها شئ من التجريح او التقليل من الموضوع اللى تجعل كاتب الموضوع متضايق وهذا مش من اخلاق الزهرة المتدينه
تقبلى تحياتى وماتزعليش من صراحتى لانه عادى وينطبق على مااراه فى المنتدى

زهرة السوسن كتب:

فكرة حلوة لقيتها في أحد المنتديات

أن كل واحد يخش ويقول رأيه بكل صراحة في العضو اللي قبله

بس عااادي وبدون زعل مثلا يقول طيب . غريب . فيه شوية لئامة هكي يعني

بس الله الله من الغلط

للاسف يااخت زهرة هضا كلامك فى بدايه اللعبه وانا قلت رأي بكل صراحه وصراحتى اخرى ماوصلتش انى نقول شويه لئامة كيف مانتى كاتبه فى بدايه اللعبه يعنى سامحه انه فى رأينا ممكن نحكو على اللئامه وعلى اساس انه عادى لكن انا اللى قتله كل اللى شايفه وفى المنتدى فقط يعنى واحد كيفى كيف بيعطى رأيه فيكى عن طريق العمل او الدراسه او غيره وانا مانعرفكش الا عن طريق المنتدى فعطيت رأي من خلال المنتدى.
وبعدين تقولى للاسف الكلام التالي:
ااااه نسيت نقول رأيي فيه " شخص خش للعبة عشان يعطوا رأيهم فيه بس للأسف مش حنولك مراده هههههههه"
من هو بس الشخص اللى تحكى عليه خليكى صريحه وقولى وشن هالقصه اللى تحكى عليها وليش كبرتي الموضوع ومش حنوله مراده كأنه اللى يخش هنا وتعطو فيه رأيكم خذا وسام الشجاعه(ياهوووووووووو افهمو انها لعبه)شن هالالغاز اللى تحكى عليها هضا كله عشان قلت رأي وبكل صراحه وكله حق لانى ماجبتش شي من عندى كله فى اطار المنتدى والردود مازلت موجوده راجعيها وتوا تشوفى كلامى حق ولا لا.
ومشكور يااهلاوى على تعليقك لان والله كلامك ميه ميه:
تبوها كلها تمشي شكيره ومدح ... يعني أول واحد دار نقد لحد من المنتدى الطرف الأخر يبدو إنه زعل ..
ماهو قلنالكم سموها لعبة كل واحد يشكر اللي قبله وخلاص ... تحياتي..
لان والله كلامك هو الحق بعد قلت رأي وبكل صراحه وبدون تجريح زعلت وياريت هكى وخلاص لا دارتنى فيه من قايلى نقول هكى ومش حتنوله مراده خلتنى نشعر اننا فى جماعه ارهابيه وخطط وتدبير دارتنا مافيا بجد.وانا مع الاهلاوي سموها كل واحد يشكر اللى قبله وخلاص.
وعلى فكرة انا دخلت نعطى رأي فقط مانبيش حد يعطى رأيه فيا عشان الاخت الزهرة ماتفكرش انى داحل عشان تعطورأيكم فيا وحرام وهكى حتنولونى مرادى كيف ماقالت.
ياخوه يااحوات افهمو انها لعبه لعببببببببببببببببببببببببه وياريت يكون كلامنا مطابق لافعالنا.

الأخ نيكولاس كيج والأخت زهرة السوسن .. خلو اللعبة كيف ماهي وكل واحد يشكر العضو اللي قبله .. وأرجوكم بلاش نمشوا في طريق أخرى .. وكل واحد يتقبل النقد .. بس ياريت يكون النقد بطريقة جميله .. وأهو حتى الأخت زهرة غيرت عنوان اللعبة مشكورة وخلتها كل واحد يشكر العضو اللي قبله .. فياريت تصفو الأنفس .. راهو عيد .. وكل سنة وانتم بخير ..
ونبي أنقول رأيي في نيكولاس كيج .. بس الحقيقي ..ههههههههه...لنقانه شخصية أنيقة وجذابة وخصوصاً في فيلم مدينة الملائكه .. ياعليك فيلم .. وإعجابك بيه أخي نيكولاس يدل على شخصيتك الرائعه .. تحياتي ..

بسلامتها مانعرفهش واجد الاعن طريق المنتدى وانشالله تكون معرفة خير لانى اجتماعيه فوووووووووووق فووووووووووووووق ماتصورو