هيا نعنشووووو الجو وهدرزوووووووو

باهى به شاطر حسن هكى حبطت معنوياتى المرتفعه جدا ... توا هكى كل الهدرزة الى نبي انقولها طارت .. معش حنحكي وانا مخصماك ..

لالالالالالالالالالالا يا مافيا خوذي راحتك ونعنشينا وهدرزيلنا راكي والله وحشتينا والشاطر بس خاصمى لكن الله يربحك ماتخاصمينا(شاعره تميت هههههههه)

وحشتيييييييييييييييييييييني والله ياذوق ونرتى المنتدى باطلالتك الحلوة
وهيا نعنشو الجو ياهو راه المنتدى في سبات عميق وغيبوبه
وين هرجه زمان والزحمه اللى كانت لدرجه الواحد كان مش لاقى مكان من زحمه هيا عاد تى غير ساد اللون(وينك يااهلاوي)الحمر الناري هيا الجو ولعوهوشيطوه واحرقوه وردو سلومه كيف الاول وعالمنتديات الاخرى علوه(لنقانى صقعوه)

تحياتى لكم ونتلاقو فى فترشه اخرى تى القسم هضا شوري بالرسمي يبي وحده دوتها واجد وفتراشه كيفي
انشالله طيبين صحيحين بنحبكم

في صقع معاك ياشطور وين نجو نحنا حذاك

انت الاستاذ وانا التلميذه ياحسن باشا

منور المنتدى

الدنيا كلها مختفية...كل منخش للمنتدي نلقاه فااااااااااضي؟؟؟
لكن شكله فيه جو بعد فتحت القسم هضا...

توا نهدرزلكم على قصتى انا اليوم ..
منحكيلكمش ليا كم يوم مريضه رقبتى الواز ومجرحه .ز المهم نضت الصبح في شوية صوت يعنى نحكى عادي وتيت روحى ومشيت للشغل من اول ما خشت للشغل حد من الموضفين قالي صباح الخير جيت نبي نرد عليه ماطلعش صوتى انبحيت وولا حرف طلع منى صوزتى راح .. قعد الى يصبحو عليا كلهم ما نقدرش انرد عليهم وطبعا في بنات مسرع ما يزعلن يحسابونى شايفه روحى علهن المهم هذا كله عادى .. نجى نخش مكتبي ويبدو يجو العمداء ورئيس الجامعه ويطلبو منى شغل ظرورى اني انكلم 17 دكتور بالتليفون عشان اجتماع ظرورى .. وطبلو منى انى انكلمهم وعدو على طول ما طقيتش بيش انقوللها صوتى رايح .. قعدت نبرم في دبشي هههههه والاجتماع انا الوحيده الى نعرف ارقام الدكاتره مافيش غيري قلت انجرب بختى وخلاص كلمت اول دكتور ماصارشي نبي انقول الو الصوت راح لين صكر في وجهى الدكتور يحساب حد يعاكس .وخلاص توا العميد يبينى نكملكم القصه مره اخرا سلاااااااااااااااام ..

السلام عليكم ياشباب المنتدي

عارف اني ليا زمان عليكم واعرف اني مقصر معكم واجد بس انا امسيب ورايا ناس يعتمد عليهم المهم نبي انفترش اشويا ......

نبدا من الصبح عمل وشغل وشغل وعمل اجري للعمل ويكلمك واحد يبي حاجة امشي ديرها لها وبعدين ايجيك واحد يبي حاجة في ابعد مكان علي وجه الارض تمشي اديرها ولما اديرها ايجيك الاول ايقولك ليش درات هذك الحاجة اتقول ان الحاجة هذه اندارت ولم ايجيك واحد اخر يسالك علي الحاجات اللي طلبهم منك من 5 شهور فاتنا وسلمتهم له يطلبهم مرة اخري وتقعد ادور فيهم مرة اخري وانت ادور تلقي حاجة مش خاطر علي بالك تلقها وتفرح وتنسي الحاجة اللي ادور فيها وفي الاخير .........تلقي روحك امطرشق وتحكي علي قصة المطرشق