طاجين بطاطا بالكفتة..

صنع ايديا طبعا...بس من الفرحة نسيت مصورتهش لكم

تاخذوا بطاطا قدر ما اتقطع حلقات مش رقيقة وتغطي الطاجين اللي تبوا اتطيبوا فيه من تحت طبقة وحدة ويكون سمك البطاطا قدر سنتيمتر واحد وتنطبخ في مية عالنار ونصفى ونطرحوها في طاجين مبطن بالدقيق والزيت

ونصبوا فوقها بشاميل يغطيها كوييييس ونكون مجهزة عصاج مجهز كيف تتبيلة الكفتة ونغطي طبقة البشاميل بالعصاج ونبشر فوقه جبنة موزريلا ونرشها بالكسبر ونغطي بالقزير ونحطه في الكوشة لمدة ربع ساعة والكوشة تكون حرارتها عااااااااالية ومجهزة قبلها بوقت بعد هكي نحول القزير ونحمر الوجه شوية

ملاحظة :انا في البداية حرت كيف نقدمها بس بعد بردت قصصتها طلعت طروف يا سلاااااااااااام وعلي فكرة للي ميحبش الدسم ميكثرش منها لأنها دسمة بكل ....

صحة وهناء

تحياتي