زهرة السوسن تطلب العون من الأعضاء الكرام

اهو جيت حنحكيلكم ...هيا تعالوا كلكم عشان تعرفوا اللي صاير
القصة ومافيها أن في يوم جتني الزهرة عشان اتساعدني في ديرت الموالح عشان عندنا مناسبة قريبة (العقبالكم) ومن زمان كانت لما اتجيني الزهرة نركبوا فوق السطوح
يعني جنب التنك فوق بكل لأن المنظر من فوق مش عادي وهذا من بعد المغرب أكيد جوووووووووووووووووووووووو مش عادي
المهم الزهرة سكنتلي كل شوية تقولي هيا هيا هيا هيا هيا هيا ,,,قلتلها بلاش فكيك لأن اللياقة امتاعها واضح انها راحت

المهم ركبنا عالسلوم لعند وصلنا فوق وقمعزنا والجو مش عادي ومنظر السماء يجنن وضئ البلاد شكله حلو يعني المدينه في الليل
أكيد مش كلها بس اللي نشوفوا فيه منها حلو بكل ..وبعد شوية دقايق جاء وقت انه ننزلوا وبدء العياط

الزهرة مش قادرة تنزل هههههههههههههههههه خافت من النزلة ومعش عرفت تنزل وقريب قعدت تبكي

وكل ما انجي نبي انساعدها تقعد اتعيط واتقولي حولي ماتلمسينيش ههههههههههههههههههههه
المشكلة انها فضحتني قدام هلي كلهم يضحكوا وبنت عمي الصغيرة مشت لمت الباقيين واتقوللهم تعالوا تفرجوا

موقف مانحكيلكمش عليه وبعد عناء طويل نزلت الزهرة من بالسلوم وانا نزلت من...............ههههههههههههههه مش حاتوقوا ,,؟؟؟
وحرمت انها تركب اخري وقالتلي لما انقولك هيا قوليلي لالالالالالالالالالالالالالالالالالالالالالالالالالالالالالالالالالالالالالالالالالالالالالالالا

هذا كله اللي صار في الزهرة هذاك اليوم ومن يومها صوتها رايح..


وبعدين يا سيد مجهول كنك مع قطوستنا بعيد السوء عليها شن دارتلك

الحمدلله تحسنت اليوم صوتها يجيب لأخر العالم بالأمارة غنتلي اليوم
هههههههههههههههههههههههههههههههههههههههههههههه