!!!! قوانين غريبة .. لكن حقيقة.....

!!!! قوانين غريبة .. لكن حقيقة.....






***قانون الاصطفاف***
إذا صفيت في طابور بطيء وقمت غيرته، طابورك اللي غيرته فجأة يصير يمشي أسرع من اللي انت فيه توه !!

***قانون التليفون***
عمرك ما تتصل على رقم غلط ويطلع مشغول!!

***قانون التصليح***
بعد ما ايديـــك يتوسخوا من شحم السيارة، خشمك يبدأ يحكك !!

***قانون المعدات***
إذا طاح من يدك أي شي، تأكد انه حيقعد يتـدحرج لعند يوصل لأصعب مكان ما تقدرش إ تطلعه منه !!

***قانون الأعذار***
إذا تأخرت عن الدوام وقلت لرئيسك أن كان عندك
عذر وهو العجلة إنفلقت، اليوم اللي بعده العجلة تنفلق صح!!


***قانون البانيو***
بعد وضع جسمك في الماء، يبدأباب الحوش يدق ومافيش من يفتح !!

***قانون الالكترونيات***
إذا أخذت جهاز للمصلح تبي توريه انه ما يشتغلش، وقتها يشتغل أحسن من قبل!!(ديمه تصير معايا)

***قانون القهوة***
أول ماتجيب فنجان قهوة ساخن، يجي رئيسك
ويعطيك شغل ماإتكملش إلا لما تبرد قهوتك !!

***قانون المصادفات***
إذا تكون مع واحد و ماتبيش حد يشوفك
معهم، فجأة كل اللي تعرفهم يطلعولك من كل مكان !!