ليبيا بعد مئة عام

السلام على الجميع .... وبعد لقد وجدت هذا الحلم اقصد الموضوع الخفيف في احد المواقع وحبيتكم تقرؤ امعايا...
سنة 2100 اليابان تحتفل بإنجاز أضخم صفقة لشراء أجهزة كمبيوتر من ليبيا بعد جدل حاد دام اكثر من ثلاثة أشهر.

سنة 2101 أزمة دبلوماسية تنشب بين ليبيا وباريس بسبب سيجارة ألقاها سائح فرنسي في الشارع بأشهر المنتجعات السياحية الليبية وفرنسا تعرض تعويضات.

سنة 2102 ليبيا تهدد بطرد الطلبة الكنديين الدارسين في الجامعات الليبية بسبب قيام طالب كندي في مرحلة الدكتوراه بسرقة بحث علمي من أحد طلبة البكالوريوس الليبيين.

سنة 2103 ليبيا تنتهي من بناء أضخم مركز تسوق في العالم بالعاصمة الليبية طربلس، حيث أنشئ على أرض بمساحة 1057 دونم، ومساحة إجمالية للبناء تقدر بـ 7,000,018 متر مربع و كراجات تتسع لـ 36,000 سيارة من الحجم الكبير.

سنة 2104 ليبيا تحرز المركز الثاني في بطولة كاس العالم لكرة القدم والتي أقيمت في زليطن بعد خسارتها أمام المنتخب البرازيلي.

سنة 2105 فيلم أميركي يفوز لأول مرة بجائزة مهرجان (غدامس)‏ السينمائي الدولي بعد أن كانت حكراً على الأفلام الليبية.

سنة 2107 ليبيا تستخـدم حق الفيتـو في مجلس الأمن الدولي ضد قرار يسمح للصين بكسر إحتكار ليبيا لصناعة وتجارة السيارات في آسيا.

سنة 2108 العالم الليبي الحاج ابوعجيلة ابوظهير يفوز بجائزة نوبل في الفيزياء عن اختراعه شيشة ارقيلة تعمل بالطاقة الشمسية

نحب نبشركم أن بعد كم سنة مش عارفة كم بالضبط ليبيا هيا اللي تطغى علي الكرة الأرضية ......... عارفين لييييييييييش؟؟؟

لأن العالم كلا توا يرقى للقمر ونحنا اللي نقعدوا علي الأرض

بارك الله فيكم

ليبيا هي ليبيا حتي بعد 5000 سنة

مالطا تحلم بالكأس .. عليا الطلاق ماهو ساير الكلام هضا .. تي تي حتى في الحلم ماصارش ولايصير ولا حيصير
قالك ليبيا تصدر كمبيوترات لليابان ..ههههههههههههههه... ممكن أنصدروا لخبطة , قلة أدب , سرقة , محسوبية , عنصرية رشوة , كيف يستعمل الطباق في العرايك , كيف تقتل........................ الخ ...هضينا ممكن أنصدروهن وبأمتياز مع مرتبة الشرف .. وخليها ساكتة .. تحياتي..