هناك ميط مالا صحاب

هناك ميط مالا صحاب خير بلاهم
حافظ علي مبداك من مبداهم
هناك صاحب طربه
وهناك صاحب تاجده في الكربه.

وهناك ميط مالا صحاب كيف الحربه
تشقي وماتعرف اميوح هواهم
وهناك من تخش النار وتخاطربه
وهناك من يغيرهم كلام انساهم

هناك ناس يفيدوا
وهناك ناس من هم الزمان ايزيدوا
وهناك ناس مايلقوا وكان ايصيدوا
ارياح فالفضا تبرم إلابهواهم

وهناك ميط مالا صحاب كي مايديروا
معاك عالعدا ولله عليك امعاهم

وهناك ناس اتجيهم
وترايف بعد غيبت نهار عليهم
وهناك تكرهم بعد ترعيهم
علي شي داخل تعرفه جواهم

وهناك ميط مالا صحاب لك نوريهم
كيف مازماني لي نا وراهم
كي الطبل نسمع من بعيد زفيهم
وفي داخله خاوي مثيل خواهم

هناك ناس ايهموا
اتشوف الخطا منهم وماينذموا
فريضه افعال اللي عليك اسمو
للناس تلحقك حتي ان بان اخباهم
واصحابك ان كان بداك مايهتموا
اسماهم اللي نسيوك وانت انساهم

فيه صاحب خيرا
سوا فالرفق والله تحوزا جيرا
وهناك من تبدل صحبته وديرا
رفيق فالعمل ولله مواطن فاهم
وهناك تمشيه بنظاف ضميرا
حتي لو علي دربك القيته واهم

وهناك ناس اتودك
وهناك ناس ترعي عالخطا وتردك
وهناك ناس طروهم احذاك ايسدك
سوا يقربوا والله بعيد جباهم

وهناك ناس اتجيهم
وترايف بعد غيبت نهار عليهم
وهناك تكرهم بعد ترعيهم
علي شي داخل تعرفه جواهم

وهناك ناس اتودك
وهناك ناس ترعي عالخطا وتردك
وهناك ناس طروهم احذاك ايسدك
سوا يقربوا والله بعيد جباهم

مش عاااااااااااااااااديه بكل
ومن حلاوتها حيرني اي وصف احلي
دائماًمتميز يا شاعرنا يا سيد الإختيارات الرائعة