البيتزا الملفوفه طريقه mafia girl حصريا وطازه ..

المقادير ..
3 كبايا دقيق
نص كبايه حليب
ربع كبايه زيت
دحيه
كشيك كبير باكنبودر
2 كشيك حليب بودره
كشيك خميره
نص كشيك صغير ملح

طريقه العجينه ..حطو الدقيق في قصعه وحطو باقي المكونات المذكوره .. باهى واعجنوهم عجنه كويسه وغطو العجينه وخلوهاتخمر لنص ساعه ..ملحوظه .. خلو العجينه في مكان دافي وساخن عشان تخمر صح وتجيكم رطبه ..

توا نجو لطريقه الصالصه بتاع البيتزا الى حتحشوها مع مكونات الحشوه ..
طريقه الصلصه ..اول حاجه تاخدو بصله وتلات تومات كبار تفرموهم .. وتحطوهم في طنجره يتحمرو وخودو اربع طماطمات كبار اطحنوهم وحطوهم فوق البصل بعد ماتحمر وضيفو عليهم كشيكين طماطم حكه وملح وفلفل اكحل وبودرة توم وشويه زعتر عشان النكهه
بعدها تاخدو العجينه بعد ما خمرت ورطبت .. تفردوها بالمضرب مستطيل طويل وعريض شويا وتخلوها رقيقه العجينه زى السويسرول .. تحطو اللصلصه ولو تبو شويه هريسه .. وتحطو المكونات الى تبوهم مثلا .. جبنه بقرا .. تن .. دحى مطبوخ .. زيتون اسود واخضر .. وجبنه سلايز او حمرا .. وتديروهم بشكل مستطيل وتلفو العجينه عليها ..
وتحطوها في الكوشه لين تطيب وتحمر ..
وبالهنا وصحتين على قلوبكم .. اي استفسار قولولي راكم اديرو غيبه ههههههه دوه عزايز هههههههه[img][/i

اسمعوووووووو راهو مش عارفه ليش جت شكل البيتزا الملفوفه هكى في الصوره والله على الطبيعه احلا شكلها يفجع هنا هههههههههه يلا عادى ديرو نيسه على الصوره ههههههه