شوفوا شن صار للأميرة...؟؟؟؟؟؟؟؟؟؟؟؟؟؟؟

في يوم الاثنين كان التاريخ 24-5-2010 الساعة 9:30 الصبح صار عدوان ثلاثي علي التريلا اللي نحن قاعدين فيها وبالضبط في مكتب الاميرة

والقصة ان الغاني اللي عندنا عطوه مفتاح السيارة قالولوه اغسلها واول ما ولعها فجأة خش بالسيارة في المكتب جوه ،لأنها كانت مدرسه قدامه والتريله هي صفيح من بره ومن جوه خشب يعني مافيها مايتقي ...المهم الاميرة كانت مقمعزة في مكتبها وفجاأة لقت سيارة جنبها ولولا ستر ربي كات صارت كارثة الدواليب تحركن من مكانهن والحمدلله ماطاحن عليها والسيارة كانت بعيدة شويه
بصراحة قعد شكل المكتب يخوف وقعدت هي في حالة مش طبيعية يعني ربي نجاها...

المهم الحمدلله عالسلامة ومعليش جت متأخره عارفين جو الخط شن كاين صاير فيه...

المره الجاية انزللكم صور المكتب عشان اتشوفوا الفجعة...

انا انقوللها الحمدلله عالسلامة والحمدلله ان صار الموقف هذا وهي عارفه السبب

مافيا مش غير بخيناها بميه تي مسكينه خذت دوش هذاك اليوم بس مالقينش كسبر
ومازالت اثار الفجعه مسكينه بس الحمدلله جت علي هكي

الله غالب يا مجهول التريله خير من بلاش اهو المبني قريب يجهز بس تبي الحق نحن انحبوا التريله أكثر وأسأل باقي المجموعه


اما بالنسبة للغاني فمسكين مش ذنبه هو يبي يوخرها لخبط في الاتجاهات بعدين كنك معاه مسكين مش ذنبه هو اساسا مش وظيفته انه يغسل السيارة غير هو طيب بس وبعدين حتي هو انفجع فجعه مايعلم بيها الا ربي وثاني يوم جابلنا قاتو للمشروع كله عشان الاميرة ماصارلهش شئ ...