ما با يقابل عون *** لا أقدرت ننساها ولا علي أتهون *** أقسام حالت للشاعر الشعبي ونيس الخمسي

ما با يقابل عون *** لا أقدرت ننساها ولا علي أتهون
أقسام حالت
*********************************************
هي ما رامت ** وهي غايتي وهي الحياة ما دامت
يا ريتها لحظة عليه لامــــــــــــــــت ** يرتاح بالي وخاطري مضمون
من شوف هلي في العلاوي حـــامت ** ومشـــــية كما دقة وتر ميزون
مليوع يانا أللي علي تعامـــــــــــــت ** ما يجيبها ولا بند في القـــــانون
********************************************
عهدي وافــــــــــــــــــــي ** عندي الغلا واضح وما هو خــــــــــافي
ألقيت في جفا ريدي أسباب تلافي ** بلوعة غلا يانا اللي مكــــيون
كنيبي علي لأشواك نمشي حافي *** باقي علي عهدي ولا ما نخون
وشوقي وحنيني ولهفتي وأريافي *** غبا نين ذكره للأجيال يكـــون
******************************************
ذاهبه شيرتــــــهــــا **** ردت علي اللي شايـــــــــــــنة رمتهـــــــــا
خذت رايها شين الريا وخذتهـــا *** بالموح والجفا والهجر نا أمغبون
يانـــا اللي مليوع من جفوتهــــا *** مطعون طعنة غدر في المكــنون
من بنت سمحة صافية بشرتهـا *** كي صفا زمزم لا كدر لا لـــــون
أحيــه ما نقدر علي غيبتهــــــا *** يا عوين من عنده بقت واشــــون
تجيب خير والخير في جيتهـــا *** أتجيب الفرج للي رقد مديــــــون
صار الجفا منها ومن ساعتهــا *** تميت في حالة عدم مركـــــــــون
**********************************************
ما ننســـــــــــــاهــــــا **** ولا ينتسى مالـــبال يوم لقــــــــــــــــــــاها
طول عمري أنعيش في مرجاهــا *** لا وين ما نبقى في الوطا مدفون
وأريد قبري ينبنى يالاهـــــــــــا *** كي ما أنبنت لأهرام لي فرعون
وفيه ينكتب عني قتيل غلاهـــــا *** ومكتوب يا ياس الغلا ملعــــون
وفيه يرسموا صورة اللي نهواها *** وقصة حياتي ينقشو بأفنــــــون
يقولو علي ماعاش يوم بلاهـــــا *** صاف وذبل فاقد أزويل حـنون
مات في رجا هلي أصعب دنواها *** أقسام صولبت و ( لام ونون )
وتمنيت عندي في الرجا نلقــاهــا *** حتى بعد موتي وهي مرهون
بعد طول عمرها وطول هــــناها *** لعل وعسى في القبر لي تكون
************************************************
ما با يقابل عـــــــــــون *** لا أقدرت ننساها ولا علي أتهون
أقسام حالت
************************************************ 

ما ننســـــــــــــاهــــــا **** ولا ينتسى مالـــبال يوم لقــــــــــــــــــــاها

حلوة وانا زي مافيا نعجز اني نعبر علي اختيارات الرائعة دائما