ماهو سبب رفض الفتاة للشباب لهذا السبب...

برأيك من المسؤول عن تلك المشكلة ؟ و ممن يكون الرفض من الفتاة نفسها أم من والدها ؟
والله معش في بنت ايفرضوا عليها توا الا القليل ولكن ديما من البنات
ما هو شعور الشاب عندما ترفضه الفتاة لقلة راتبه ؟
طبعا حيصيرله اهباط لو كانت عاجبته
ماذا ينبغي أن يفعل حيال رفضه ؟
لكن قول الحمدلله رفضاتك توا خير ما اتسيبك بعد ما ايسيرلك شي مشكله ماليه بعدين
كيف يتعامل الشاب مع تلك المشكلة ؟ هل يرضخ لظروفه و يبحث طويلا عن من تقبل به و لو لم تعجبه ؟
مفش مشكله صدقوني المشكله في البنات هو ونصيبه لكن ايدور عالبنت اللي ادور عالدين والخلق واللي توقف امعاه بعدين واتحمل الحياه بما فيها
أم يسعى جاهدا لتحسين أوضاعه المادية ؟
طبعا سواء بيها ولا بلاها هويسعى حتى الله امرنا بان نسعوا لكن عشان نفسه اولا وبعدها مستقبل اولاده وبعدها هيا
هل يتحتم على الشاب أن يعمل كثيرا و ينحت بالصخر ليحوز على من أستحوذت على قلبه أو حتى يحوز على من تتوفر فيها مطالبه أم يستسلم لواقعه و ظروفه و يكتفي بالأحلام ؟
والله السوال هضا بالنصيب مرات البنت اللي يبيها او عاجبته وتوفر فيها اللي يبيه ايصير منها واوكي واتجي ساهله بدون رفض لكن في اخر حاجه مصيرش نصيب يعني عالنصيب
ما نظرتك أنت للفتاة التي تشترط أن يكون راتب الشاب كبير ؟
اسمعن ياااا بنات المهم ايكون ايصلي وما ايديرش في الكبائر او ما نهى الله ورسوله عليها وفي نفس عاداتك وتقاليدك وما ننسش وايكونوا هلك موافقين عليه اي من الطرفين الاب والام وهذي اهم حاجه والله والراتب والرزق من ربي يمشي وايجي في اللي ايكون حالته اكويسه وبعدج ما ياخذها تسكر في وجه وفي اللي ربي يفتحها عليه واتكون هيا مساندته ومساعدته بتحمل الحياه و(التدبر) وهظا حاجه مهما من الزوجه
ماهو دور الأب حيال مشكلة قلة رواتب الشباب ؟
المفروض وكيف ما نعرفوا الاباء ما حتى حكوا كم مرتبك لكن المهم ايكون شغله مضمون وما ايبهدلش بنته وايكون ولد ناس ومحترم ومعندش عيب لا يتغاظى عليه يعني عنده اخلاق
هل يقبل بمن تتوفر فيه الأخلاق الحسنه و السمعه الطيبة و يتجاهل راتبه ؟
طبعا هاذوم الاباء اللي نعرفوهم والليبين اصلا واللي عايشين على عرف وتقاليد الليبين يعني يقبل هذين هنا اللي ثبتات والراتب هو اللي ايتغير واهو في زياده في المرتبات في كل مكان والحمدلله
أم هل من واجبه أن يؤمن لإبنته رغد العيش مع شاب ذو راتب كبير ؟
لالالالالالالالالالالالالالالالالالالالالالالالالا والبنت وين معندهش عقل وما ظني الاباء ايديروها ديما الاب بالذات يبي راحة بنته
بارك الله فيك سحابه وموضوع واقعي وسلمت يدك

موضوع مهم بكل و خطير...و هضاا الواقع الي صاير الايام هذي.....و الله انا نعرف شباب واجد غيرو مصيرهم بيدهم و بل قوه...و مستسلموش لأي ظروف منهم الي سافر و دار فلوس بره و روح...و منهم الي نجح هنااا في لياااااا...بس الموضوع يبي اصرار و صبر...المشكله ان الشباب كلهم يحلمووو بصفقه المليون...بس شنو دار من خطوات عشان صفقه المليون ولا حاجه.......انا نعرف شباب كانو يدللو بدهب في السوق اكيد مارين عليكم البائعين المتجولين في سوق الدهب...و الحمد الله ربي فتحها عليهم و دارو محلات توا....و نعرف واحد اسمه حميده شكولاته كان يبيع في شكولاته في سوق الدهب و كان يبيع في دولار في السوق توا قعد من اكبر التجار بتاع العمله في السوق.....شباب سافرو السويد و دارو فلوس غادي و روحووو و فتحو محلات في بنغازي و طرابلس.......انا نحكي علي امثال حيه حالين انا نعرفهم هضااا غير الي منعرفهمش......شباب كانو يقرو معايا في الجامعه اجتهدو و قرووو واجد و حالتهم الماديه كانت تحت المتوسط....والله توا في الي وصل راتبه لعند 3000 يورو...بس الشاب الي يقعد يصيع طول حياته و مش مهتم بأي شي اكيد هضااا يستاهل ما يجي.......و المفروض يتحمل مسؤليه نفساااااا...و في نفس الوقت بنت الناس مش مجبوره انها تاخذه اصلن..........مفيش حاجه اسمهاااااا ظروف مفيش حاجه اسمها مستحيل......كل انسان عندا اصرار و هدف في النهايه اكيد هيوصلا هضااا الي انا نعرفاااااا و هضااا رأي الخاص من واقع انا انشوف فيه