واحد مطرشق يحكى قصه لبنته قبل النوم ...

واحد مطرشق يحكى لبنته قصه قبل النوم قصة عشان ترقد ...

فقال لها ....
مره واحد شاف عصفور فقال الأسد هاتوا لي الأرنب فطاحت البقرة من فوق العمارة و لقت الأم ولدها فرجع الشرطي من القسم و طلقها حبيبها و قال أنتي طالق طالق طالق طالع وشرب شاهى وحليب على السريع فاخبط السياره بحادث وصابه شلل فغرق بالبحر و نامت السمسومة بين الصخربدون بطانيا وجت امها وقالت للنسر لازم نتعاون و صاد الحوت ولما جا البطل خش للمطبخ مالقش البصل عدا لبنت جيرانهم و قاللها أنا احبك و يوم سافر للدراسة ضاع دفتر الدرجات و قالت الزوجة أنا نبي نمشي بيت أهلي لما تقلو المفتاح افتحو الباب وجيبو البشكليطه بعدها نام الفيل و سبحنا في نهر النيل لين انبلينا وسطرتنا الشمس و بعدين يوم من الايام قال بسبس يومها عرفت ليش الكلب يقول ميو ميو بعدها طاحت الطيارة في البيت ولقو العجله مفشوشه وجت الاميره لقوها تزغرت والبقره الى طاحت طلعت مازلت حيه بس رقبتها انفصعت وبعدها طاب الشاهي والقهوة بس مالقوش حليب ومسكو السراق ومن يومها نسمعو في السمكه تقول ميو ميو هاو هاو ..
وجاو المعازيم .... ........
وتوتا توتا توتا خلصت الحدوته ... :sleep

:

واحد مرطشق يحكي قصة

وخشينا عليهم ليل وفتحنا باب السطاح لقينا اسد ياكل في ديناصور بحت فينا الديناصور وقال ساعدوني
خذيت الاسد من ذيلة وحطيته في الخزان وبعدين شفت بشبوا حدا الخزان نزلت نجري وفي الدروج لقيت الديناصور راقد قدام الباب وجئت طيارة كبيرة فيها سوبر مان يبوا ياخذوا الديناصور بس انا كلمت رعد العملاق وسندباد وفلونة عشان يسعدوني لاني بروحي مانقدرش انشيل الديناصور وانحطا في فرشا ........يتبع

حاول انهاء القصة

نكملولك القصه . . بعد ماكلمت رعد العملاق وسندباد وفلونة عشان يسعدونى عشاننحطو الديناصورفي فرشا .. . جت سيده ملعقه تعيط من بعيد وتقول الحقونى الزمالتو بتاعى كمل وانا عندى عرس .. طبعا انفجعو هما وسيبو الديناصور في التركينه لان مالقوش مفتاح دار النوم ..وكان الجو مطر وعجاج وريح وقبلي لما مطرت انبلت القطوسه وحكاكى القازوزه يدرهبن مع الريح مع انهم شربو تلاته سفن اب ووحده ميراندا .. المهم فجاه .. سمعو صوت واحد يغنى ..كلهم عدو جيهة الصوت لقو سليمه الفاخري ادير في بروفه وتغنى عيله ياعيله مبروك عليكم مادرتو .. ناض الديناصور وعدا هجم على الدرباك وعض يده .. بعدها ... يتبع . ..

وكملو انتو القصه ..

المهم لما الديناصور عض الدرباكة في يدها قعدت الدرباك اتغني وسليمة الفاخري زعلت عدت كلمت بابا سنفور عشان ينظم سيارات الزفة لان العريس قريب يوصل وبعدها جني الحنيات ومعهم سنان وقال علي الطلاق ماهو صاير منا العرس وبعدها
خذيت السيارة وانا ماشي في الطريق لقيت مايكل جاكسن في الطريق ايراجي في سيارات الربع قلت مافيهش كيف انوصل انا وخلاص ونحن في الطريق طلع صندوق قزوزة وقعد ايكب في الطريق وقف علينا علاء الدين جد سندباد وضرب مايكل كف
وقاله وين الديناصور .........يتبع


اكمل

وخش عليهم رونالدوا وقال عليا اليمين ماني واكل المقطع نبي بسبوسة ابتاع حلوني بلادي ولما جئت المراية اللي كسرتها الدرباكة قالوا لازم انديروا خيطة وانكلموا العكشي ومعه بسمة وعبدوا وهم ماشين للمزرعة لقوا الديناصور ياكل في البسبوسة ابتاع رونالدوا والبحر مليان نموس ولقوا سلاطة ويقرة طايحة في حفرة وتعيط وجو يجروا عشان العيل مايبيش يمشي للمدرسة عشان المرميتا ابتاع الترتوري ماديرش في صوت وبعدين لقوا عمر الشريف في البنكينا يشري في حوت وجاء من وراه العكشي وضربه بسطور ......يتبع

المهم الديناصور ماعندش رصيد عدي لسوق العرب وفجاة لقا واحد يدخن في رياضي جاء الديناصور يجري قاله بابا انتا معرفتنش وفجاء طاحة البمبا الغاز من السيارة القلع وصاحب القلع كان ياكل في نص فاصوليا ومعه ولد سيد مراة ولد عم جيرانهم قعد ايرجع في السيارة ولما وصولوا لقوا عباس العقاد يراجي فيهم في الشوكة يبي ايعدي مستشفي الجلاء ولكن في البوابة قلوله لازم ناخذوا منك دينار فجاء حسين فهمي قاللهم هضا امعيا وخشوا في السفينة اللي في البوسكوا وحسين فهمي خاف من التمساحة وقال وراس امي ماني راكب في القطار ولما خذوا شكرة اللبن من الطريق لقوا ناس واجد دايرة طابور علي المسير وفخذوا خمس كيلوا باميا وعدوا للصحراء وفي الطريق انقلبت السيارة وطاحت في بير عميق جدا ولما ناظت سليمة الفاخري من النوم لقت العرس كمل والحنيات خذوا المخدة وعدوا والدربكة اللي عضا الديناصور تحولت الي بوبريس يجري في الساس وخذوا معهم بطاطا وشويه خل عشان السفين فيها لوح مكسور وعشان ماشي معهم طرزان والفاصوليا الخضراء غاليه ولبكيوا مافيش في سوق الحوت وفجاء طاحت الطيارة اللي فيها اوبما .......يتبع

وبعد ماذبحو الحولي ولقوه واكل شكارة مكتوب عليها اطفالنا عرفوا ان الحولي كان في الصابري وعدو ايدوروا في الصابري وفجاة لقوا الشايب اللي ركب فوق ظهر سندباد لقوة في القهوة يشرب في شيشة ولقوا حده ولد خوة الدرباكة وياكل في نص تن بالهريسة وهو ياكل خش عليهما بوش يبيع في مناديل والعكشي ماشي لطبرق ايعزي في ولد سيد صاحب التنك وفي الطريق خذه حبة بندول وقعد يغني ولما وصل لقا الزمزمات كلهم فوق الموتوات وديرات جو تشيط عجل ودرهو حريقة في الوسعاية اللي في طريق اجدابيا وفجاة ..خش الديناصور وقعد يرقص علي المجرودة وياكل في الخيار ابتاع الصوبات اللي جابوه امعهم من ودان وفي الليل مرض عليهم عدويا وخذوا للاجلاء وفي المستشفي جاهم حسين فهمي وحطهم في قسم العظام لان المولود مش مطعمينا في الماجوري ولما طلع يبي يدخن سبسي جاتا الممرضا وقالت انت لازم تاخذ صطل وتنشف الحمام لان الديناصور مش جاي اليوم وعمر الشريف اليوم عند اجازة وقعد راقد لعند المغرب وجاءت ماريا مرسيدس وقالت انت ماتحشمش مسيب خالتك فتحية ابروحة في المطار وجاي تذبح في الحولي ....يتبع

وفجاء جاء راجل طويل عريض يظهر علي وجه الزعل وكرشتا قدامه وعنده شنبات كبيرة ولما قرب من الديناصور بحت فيه الديناصور وقاله "وينك يابرنكس "انا انحبك وخاصة ابتاع الجبنة ولكن برنكس عدا يجري ونط من فوق السور لان هو اللي سرق بنبة الغاز ولما ركبوا في السيارة طلع عليهم مايكل جاكسن بموس بوخوسه وقاللهم انا عندي ولد خويا ماسكينا في النفسية ويبوا حد عنده وسطة ولما جابوا العشاء خو العريس طاح منا المسران في التراب ووالعروس مازالت عند الكوافير لازم انجيبوا الفونشة عشان اديرلنا المسير ولان الرجال مازالوا ماجوش من اجدابيا ولان ولد سيد العروس خبطتا سيارة وقعد راقد في البحرية 3 ايام وعدي وقعد مع راجل عمته في الكويفية وفجاء خش عليهم ونيس خير وقص الشريط وصفقوا كلهم لان عيادة سيدي خليفة مافيهش غفير وحطوا قول في السواعد لان الباميا مش وقتها توا ..هضا عليش لما مشوا مالقوش خو العريس ..... يتبع

امتى الحلقة الاخيرة ؟؟؟
هذة حسها طولت اكثر من المسلسلات المدبلجة ( لعنها الله ) .

الي ينهي القصة نعطية حاجة سمحة

وووووووووهههههههههههههههههههه غير شنو صار في الأسد اللي كان في السطاح و يبي ياكل الديناصور

صار الى ينهى القصه تعطيه حاجه سمه ياشاطر حسن .. . عارف القصه هذى زي المستكه . . كان المستكه تكمل لما ناكلوها يوقتها القصه حتكمل هههههههههههههه
اما شنو صار في الاسد الى فوق السطاح والى يبي ياكل الديناصور .. تى حي صار فيها ياما صار ...الاسد لما كان يبي يعض الديناصور جاه بوفهاق وسنه طاحت عدا لعيادة الغريانى قالوله لازم حشو عصب ونطيرولك سن العقل جت مسكينه الدوده زعلانه وتبكى عشان هيا مكبده على الاسد وقالتله نعطيك سني تاخدها وبعدها جتهم على فجاه الفونشه وهيا تزغرت قولو ليش .. ؟؟ .. باقي القصه بعد العيد .. انتضرونا ..

بصراحه ابداع مش عادي شوقتوني نبي نعرف نهاية القصه
وكل عام وانتي بخير يا عسل

تسلميلى يا سموووووووووووووحه السمحين ..
وانتضرونا قريب النهايه ..بس توا عناد من ينهى القصه انا ولا المدير sloma لان لازم نحطو نهايه لكل شخصيه ذكرناها من العكشي والديناصور والقطوسه مايكل جاكسون وسبنك وحسين فهمى والاميره والدوده و و و .. عرمممممممممم ناس لازم نديرو نهايات سعيده لهم ..
ومنورين على الردود والمرووووور ..
انتضروووووووووووووووووونا ..

الحلقة القبل الاخيرة من مسلسل المطرشق
وخشوا عليهم بعد الفجر لقوا الديناصور راقد وجت فيفي عبدوا وتبي تضربه بالمكنسه بس مش المكندسة العادية لالالا المكنسة الكهربية وفجاء طنجرة الفاصولية ابتاع الكوارع اللي يسال عليها الاهلاوي طاحت من السطوح وعباس العقاد زعل واجد قال كيف اديروا كوارع من وراي طلع السيف وطلع في الشارع وقعد يقول "ماما زمنها جايه جاية بعد شويا جيبا حاجات وحاجات والعكشي خبطته سيارة فيها دلاع وكرموس وقوافا وكان في واحد في المطار ايراجي في هله جايين من سيدي خليفة ومايكل جاكسون كان يراجي في الفرصة بيش يمشي يخطب الدرباكة اللي مع سليمة الفاخري وشال معه فيفي عبده وطرازان عشان يدفعوا المهر ولقوا حسين فهمي ياكل في جولطي حد حوش البنت اللي يبي يخطبها ماردونا وقاللهم شوفوا راهو انا مش واخذ منكم ولا قرش اللي يبي بنبه غاز ايعدي يشريها من الزرريعية ولا ايسرقها من اي حوش المهم لقا الدرباكة نازله تشري في لبوان مر عشان تزرعة في القروش اللي في المطبخ وهي في الدكان ...فجاء شافت الديناصور ايرقع في العجلة ابتاع البطاح اللي فيها ...مش الدلاع ..اللي فيها صناديق الباطاطا عشان الفندق يبوا واحد عنده رخصة ثانية وما يشربش في السحلب وين ما وصلوا قدام الباب رنوا الجرس ....
طلع عليهم جد سندباد وفلونة وبابا سنفور و.....يتبع

الحلقه الاخيره ..

بعد ما طلع عليهم جد سندباد وفلونه وبابا سنفور ..في نفس الوقت جاهم ولد سيد الاميره وقاللهم قالتلكم امي عندكم شويه معدنوس وكسبر عشان تبي ادير مصارين بالدحى المطبوخ ..عدت فلونه تفتح التلاجه يضربها الضي طريحه وقعدت تبكي وقالت نبي نصبغ شعري بالحنه وندير ميييش ..عشان عرس بنت خالت مرات بوها قريب ولازم توصيلهم على 100طرف بوريك بالسبانخ وهما يحفرو في الرمله لقو دلاعه مدفونه مكتوب عليها رقم الضمان الاجتماعى بتاع الدرباك الى سافر للكوالامبور يجيب في محايات وبرايات فجاه العصفور يكح وينادى تعالو الحقونى نبي طرف سنكرز قبل ما نعدى فيها .لكن سليمه الفاخرى معجبهش العشاء بتاع يوم الرمي فا عدو وصولها من مطعم الشباب وجابولها حكة تن بس الممرضه لما نزلت تجري ازلحقت وخشمها انكسر عدت شور البلديه قالولها يسلم عليكى الديناصور وقالك اوعى تنسي العياااااااال يابتعه . .ولكن البشكليطه عجلتها مسروقه وتكت عركه بين سيده ملعقه ومرات خو حسين فهمى وقعدو ياكلو في خرشوف مقلي بالزعتر والخل ..ومن غير سابق انضار . . وبدون مقدمات لقو ورقه طايحه جنب الخزان . . مكتوب فيها . . ان نسيب الدرباك مات وسيب وصيه مكتوب فيها توزيع الثروه بتاعه 8763660 مليون دولاريتم تقسيمها بالتساوى على كل شخص تم ذكره في هذي القصه . .وبعد مرور اربع سنوات ...>

تمت بعون الله نهاية الجزء الاول من مسلسل مطرشق يحكى قصه لبنته قبل النوم ...
انتضرووووووو في الجزء التاني بعون الله تعالى .. في ..ام المطرشق تهدرز مع ولدها المطرشق ..
انتضرونا قريبا ...
مش حتقدر تغمض عنيك ..

قريبا في الاسواق الجزء الثاني ام المطرشق تهدرز مع ولدها المطرشق ..

قريبا سوف نبدوا في قصة الجديدة واتمني من الجميع المشاركة
ولتجديد واخراج كل مالديك من قصص ورويات عالقة في الذهن
فرصه لتجديد

السلام عليكم جميعا ..
لقد عدنا بموسم جديد للمطرشقين ... وبعد يومين تبدا اول حلقه من ..ام المطرشق تهدرز مع ولدها المطرشق ..
وارجو من الجيع الاستعدار للمشاركه في خيالاتكم المطرشقات ..
وشكرا ...

السلام عليكم ...
تبدا اليوم قصة ام المطرشق .. الحلقه الاولى . ..
طبعا الموسيقى بتاع البدايه المسلسل .. ترارارنلالالالارنرن ترنتررررن لاليليلي تراراالي ترالالي ....
في يوم من الايام كان في حوش ساكن فيه مطرشق وامه وتلات خوات ناضت ام المطرشق فيالصبح تونض ولدها لقاته مأجر داره لتلات سوادين وواحد تشادى قعدت الام تعيط وتقوله تى ليش ماجبتلنا دلاع على الفطور نعصروه جت اخته المطرشقه تجرى وترمى فازا على واحد من السوادين طاح السودانى وقال اي اي انى اغرق تحت الماء ..وفي نفس الوقت عدت ام المطرشق لجارتها ادير في حنه بس مالقتش دحى مطبوخ ..والدولاب مالقوش المفتاح بتاعه عدو جابو برايه ومحايه ومسطره مشرشره عشان يعومو في البحر من غير مايغرقو بس الرمله كانت معبيه تفش وحيط قعدو يدورو في سبابيطهم وفجاه لقو واحد من السبابيط لاصقه فيه مستكه من تحت .. يتبع ...