موش كل هالي تريدها تكسبها (شعبي)

موش كل هالي تريدها تكسبها = ولا كل ضحكه وادك صاحبها
***
موش كل هالي اتريدها توصلها = ولا كل سمحت لون زين عملها
امواج البحر لو اتعد ما اتكملها = والشمس ما تزرق مع مغربها
ومحروق من جوا اللى قايلها = نار الغلا خزرة العين حطبها
***
موش كل هالي اتريدها واتريدك = ايواتن قساميها وتبقى ف يدك
مرات يا صاحب الدهر ايكيدك = والعين ديما تحت من حاجبها
دور على اللى تنفعك واتفيدك = والنفس وين اتعف ما تغصبها
***
موش كل هالي اتريدها تاجدها = وبرمة فلك الايام ما اتعاندها
بكره ثماير غرستك تحصدها = القاسمه للحي ما ايهلبها
اتجي بالسوا كيف ما الله رايدها = وموش كيف ظنك وين ما تاجدها
***
موش كل هالى اتريدها وتبيها = تجيك كان ما تسعالها واتجيها
اللى ساهله مرات توحل فيها = والصاعبه تسهل يزول تعبها
واللى اتعدها م الناس لوم عليها = وحاجه اتقل القدر ما تطلبها
***
موش كل هالى اتريدها اتلايمها = وعلة الغاوى الغاويه تفهمها
وفى الريق حنظل مر تستطعمها = تمويحة اللى خاطرك راغبها
والعين ع المعاصى كان ما تعصمها = تضلك ضلال كبير ما تغلبها