الى ادارة و اعضاء المنتدى...

ثانياً : في منتدى تعارف حسيت ان ((الاعضاء القدم)) يطالبوا بمعرفة ((الاعضاء الجدد)).. والمباراة مازالت في طور الاحماء.. مش عارفين مازال علي من ترسي النتيجة..بس انا منيش عارفة ليش الاصرار علي معرفة الشخصيات هذي لمن ..(1... انحنا ماطالبنش بمعرفة الشخصيات ولا البطاقه الشخصيه ولا جواز السفر نحنا بس طلبنا نعرفو عن طريق من عرفتو المنتدى فقط لانه منتى خاص والعدد صغير فيه نبو نكونو اسره واحده مش زى المنتديات الاخره الى كل حد يخش بدون ما نعرفو من عطاه المنتدى ...

المفروض التقييم يكون علي الموضوعات التي تطرح وليست الشخصية في حد ذاتها..لان بعدين تقييمي يكون فعلاً فعلاً حيادي وخالي من العواطف والمجاملات.وموضوع شن رايك في العضو اللي قبلك كل واحد يرد على حد معرفته الشخصية بيه.. وهذا مش موضوع عام..موضوع خاص..
.2..اما عن ردود المواضيع الكل يرد على كل عضو سواء جديد او قديم .. يعنى مش عارفه من وين شفتو ان في حيازيه
...اما عن اللعبه نحنا بديناها ونادينا عن الاشخاص ليدخلو الى اللعبه وما حد خش يعنى هيا لعبه ويقدر اي حد يدخل فيها حتى لو اسمه مش مكتوب هكى حلاوتها ..
ومش عيب انك تجامل صديق تعرفه وتشجعه علي حاجة حلوة دارها وتشكره على الاقل على المجهود ((مش لازم جودة الموضوع))..و معليش سامحني يا غدار نبي نستخدمك كمثل .. الموضوع اللي طرحه هو حر فيه وحتى بعض المنتديات في عبارة تكتب فيها ((ان المنتدى غير مسؤول عن اراء الاعضاء))
3.. ((ان المنتدى غير مسؤول عن اراء الاعضاء)) الجمله هذى تنقال في المنتديات العامه الاخرا مش في منتدانا لانه منتدانا غير عنهم وكلنا نحترمو بعضنا ونخافو على بعظنا ومنحبوش نجرحو اي شخص في المنتدى باي نوع من الرد ..

دليل على حرية الاختيار والرأي.. ولكن عموماً الموضوع هذا مطروح من قبل الاهلاوي والردود اللي عليه تدل على انه موضوع طريف:
4. .. طرحه الاهلاوى .. ولكن شوفي الفرق في الردود .. يعنى اختلاف في الرئ لا يفسد للود قضيه .. يعنى مافيش حد هاجم حد في موضوعه ..

لكن المفروض الحيادية في الرد على المواضيع دون دخول المجاملة حتى لصديق لأن (( صديقك من صَدَقك لا من صَدَّقك )). وعلى ادارة المنتدى الاشراف على المواضيع واختيار اللي يصلح للعرض من عدمه والكل المفروض يتقبّل الموضوع بصدر رحب..ومش ان لو ارتفضت مشاركتك تزعل لكن تدور الغلط وين وتصلحه والمرة اللي بعدها تختار موضوع احسن..وهذا اللي يفسر دخول الاشخاص باسماء مستعارة
.. مشكوره لطرحك لموضوع لكن الواحد يشوف شن صار ويشوف المفهوم العام للى صار وكيف بدت وبعدها يعلق عشان ما حد يضلم حد ..
ان شاء الله ربي يهدى النفوس وان شاء الله خير ..

السلام عليكم اخوتي

اولا واخير نحن اسرة واحدة في هذا المنتدي ...وانا لا استطيع ان احذف اي مشاركة لا لاني لا ستطيع ولكن حرصا علي كاتب المقالة اخوتي انا كل ما اريده منكم انتقا واختير كل ما يكتب ...اعرف ان لكل شخص رايه وتفكيره وانا احترمها ولكن يجب مراعاة شعور من يقراء ....

اخوتي انا خلاصة كلامي نحن جميعا هنا في هذا المنتدي اصبحنا اكثر من اخوة واظن انها كذلك
وكل مااتمنه ان تكون الموضيع جيدة وتكون الرددود افضل
ولايكون هناك اي استفزاز

بارك الله فيكم