يا عرب هو !! السهم رشق في المنتدى من جديد ...

بسم الله الرحمن الرحيم

السلام عليكم و رحمة الله و بركاتة

كيف حالكم ؟؟؟ ان شاء الله طيبين حلوين و كويسين و في المنتدى ملتمين !!!

معليش و الله غياب الاسبوع الي فات بس ( اع اع اع اع ) اهو شوية امتحانات و الحمد لله نقزناهن ...

تي منحكيلكمش على الحقد و الغل الي حاطينا الدكاترة في جماعة الاعداد ( بس مش كلهم و الله ) قالك غربال !! تي هذا غربال العيون ابتاعاتا كباااااااااااااااااااااار بكل يعني الواحد بيش يشعبط فية ياما تبيلا ...

بس الحمد لله و الله ربي سترها معانا و نقزناها ...

بس مع هذا انا كنت ندير في طلات مرة مرة على المنتدى يعني منقطعتش بكل ...

و كنت مواكب للاعضاء الجدد الي خشوا و مرحبا بيهم كلهم في المنتدى و آآآآآآلسف علي التأخير في الترحيب بس اهو جا ..

اخوتي و اخواتي ( مع اني معش فرقت بينهم الاخوة من الاخوات ) صاحبة الظل, Ice girl, موسوعة المنتدى ,الشبح, Belle, pink moon ,وليد ,أمير برقى, Nicolas Cage ,EZMERALDA ,الغدار..

مرحبا بيكم كلكم في هذا الملتقى المتميز والفريد من نوعه و الذي نعتبرة كعائلة ثانوية ...


ارجوا ان تتقبلوني ثانيتا بعد الغياب المستمر هذا ..

و السلام عليكم و رحمة الله و بركاتة ( جو مؤتمرات )

اخوكم السهم ...