اعلان الى كل الاعضاء الى نورونا في منتدانا الرائع ..

خير عليكم كلكم .. وبعد التحيه والسلام .. اهو جو خطابات دايرتلكم .. المهم ..

كيف ما تعرفو طبعا نحنا هنا منتدى غير عن المنتديات لان نحنااسره قبل ما نكونو منتدى وناس وخلاص كلنا هنا نحترمو بعضنا ونقدرو بعضنا وخدينا على بعضنا .. وكل شخص يعرف الاخر وكيف تلاقينا هنا في المنتدى البسيط الى خلانا عائله وحده وتعرفنا على احلا ناس ..
انا حبيت نطرح الفكره هذى مع انها مطروحه من قبل لكن الاغلبيه معش يديرو فيها وهيا كيف عرفت المنتدى او من عطاك المنتدى او كيف سمعت بيه ..
يعنى في اعضاء كتبو من قبل ان من عطاهم موقع منتدى sloma وفيها جو فكرة كيف تناقلت الدعوات للمنتدى ..

فا يارت من كل عضو يكتب كيف عرف المنتدى عن طريق من ومن طرف من ..

تحياتى لكل الاعضاء الرائعين وياريت حتى الاعضاء الى كتبو من قبل يعاودو يكتبو اخرا عشان نكونو كلنا في صفحه وحده ..
وانا نبدالك ..
عمتكم المافيا شافت المنتدى من اول يوم فتح صفحته على النت ..طبعا المدير sloma هوا الى شاركنى في المنتدى وقالى عليه ...ومن يومها معش سيبته

عن طريق السهم وله الشكر

وين الباقية الاعضاء الجدد
اما انا فكانت فكرة عمل المنتدي في بالي منذ فترة وكانت فكرتي كيف نعمل شي ممكن يستفيد منه الغير واستفيد منه انا "فائدة علمية وادبية " والحمد الله تعرفنا علي ناس بمثابة الذهب الخالص ووتم تكوين العائلة

هذي مش تفنيصة هذينا دموووووووع شكلك خايفة من الجماعة يمسكوك في التسريح

EZMERALDA بالعكس نورتيناوماشاءالله خشيتى بمواضيع ومشاراكات فعاله ونحنا نتقبلو اي حد يخش في عائلتنا بس المهم نكونو عارفينه عارفين كيف عرف المنتدى فقط لا غير عشان كلنا نتريحو ومنحسوش ان في حد غريب ...
ونورتونا كللللكم وياريت الباقي يشارك في هذا الموضوع..

يعني فعلا ماتبيلهم الا العين البودرية اااا قصدي الحمرا.... المهم الطرفين هما الي جاوبوا يعني العضاء القدم بكل و الجدد بكل يعني الطبقة الوسطى ( معليش قاري فكر ) مجاوبتش و هذا انذار نهائي و الا سوف نفصل الكهرباء عن جهازك ... يعني مفيش داعي نقعدوا محور و حلفاء خلونا كلنا حلفاء ( قلنالكم معليش عاد قاري فكرولوجي ) المهم لما فرنسا عطت فزان استقلالها في السبعة و اربعين شن صااااار ... و لا بلاش خلينا في موضوعنا .. ( جاوبوا خيرلكم )

راهو نوريكم الوجه لاخر ... مزلتوا مشفتونيش راهو - جو استادية -

اخوكم زارقوس قصدي السهم ...