سندوتش الجبنة بالهريسة.

المقادير:
1- فردة خبزة سندوتشات
2- اي نوع من انواع الجبنة ولتكن البقرة الضاحكة .
3- نصف ملعقة هريسة عربية
الطريقة :
اولا تمسك الموس مسكة كويسة ( مش اي مسكة) تثبيت اصبع السبابة خلف الجزء المعدني وتفتح الخبز جيدا ثم تخرج المح
تفتح قالب الجبنة بتريث ومنظام ثم تضعها بداخل الخبزة التي فتحتها ثم ( تليسها ) جيدا بنسب متكافئة بين اجزاء الخبز.
تضع نصف الملعقة من الهريسة على الجبنة وتليسها هي ايضا جيدا.
ضع الوجبة في طبق و غطية بكلينيكس وارمية في الميكرو
وبالهناء والشفاء


هذا الي نعرف انديرة...

شكرا اخي البرنس علي هذه الوصفة الممتازة
وهل هي من المطبخ الفرنسي ام الانجليزي ام اي مطبخ
شي اخر هل ممكن نغير الجبنة بشي اخر

اتمني ان تتحفنا بكل ما تحب

الحمد لله تعرف ادير حاجه على الاقل وقت الجوعه وماما مش هنا واطلع من مو ضوع الطبخ خير ل

اووووووووووو سندوتش الجبنه بالهريسه .. لنقانها وصفه ماعمرى ما جربتها .. وزعمه عادى نوع الموس الى يقصو بيه ولا لازم مشرشر يكون ...

ماشاء الله عليك وصفة تفتح النفس مع اني لا احب الجبنة ولكن
اهم حاجة انها من البرنس
اكيدة حانكلوا صوابع الايدين والكرعين

مشكورين على الردود الطييبة ..
وبما انك ماتاكلش في الجبنة يمكن استبدالها بشيء آخر واحد فقط وهو التن ولابد ان يكون جون ويست لاني وكيل الدعاية لهم
وكان تبوا نعطيكم طريقة الحليب و النسكافيه نعطيكم ولا تبوا كسكسو؟؟

اهو انا طلعت نعرف اندير حاجة هههههههههههههههههه

ومن قال انك متعرفش ؟؟؟

حتى نص الجبنة يشكروا فيه

تحياتي

سندوتش الجبنة هذا بعد المغرب في الصيف بعد ما اتروح من الخلوة مع طويسة شاهي حمر .. تي تسوى الدنيا وما فيها

حي وحيه ومع طاسة الشاهى الحمر بالنعناع ومعاها كم كعكه بتاع حوش تغمس فيها اووووووووووووووووووووف ..

كنكم تنقضوا في الجروح يا ناس

جوعتونا والجو مش غابيين فيه الواحد ما صدق دفا تخطروا علينا في الوكال خلونا في حالنا يااااااااا

نبي نرفع قضية علي قسم المطبخ ..........علي أساس يسكروه أيام الشتاء

تحياتي

عارفين أجمل مكان تأكل فيه خبزة وجبنة من غير هريسة ومعاها طاسة شاهي أحمر منعنع وين ؟؟ أهو أنقوللكم ... بعد أتعوم لمدة طويلة وتطلع من الميه وترعش من الجو وترمي عليك المنشف ... ويمدولك الكلام هضا كلا .. وتكمعز عالشط وياسلام على أجمل خبزة بالجبنة والشاهي المنعنع ... جربوها الصيف الجاي ...

منور اهلاوي والله

شن كنا نحكوا توا

نقوللكم متحكوش علي الوكال تجي انت تحكي علي البحر ؟؟؟ جو دوا عالبحر توا

راعي الجو اللي نحنا قاعدين فيه

راك تقول وأشربوا وراه ميراندا برتقال مسقعة بس<<<<<<<وااااو محلاها

منور اهم حاجة النفس
جرب تنفس واجد وانت ادير في السندوش

اشهد بالله ان الخيار في اي سندوتش ايخرب في الطعمه لانه كله اميه فافكوكم منه خير وجربوا بلاه وكولولي شنو رايكم؟

أهلاً وسهلاً .. الحمد الله على السلامة يادنيا دينا .. دغري عالمطبخ !!!!!!!!!!